റിയാദ്: കേളി കലാ സാംസ്‌കാരിക വേദി പ്രവര്‍ത്തകനായിരിക്കെ റിയാദില്‍ വെച്ച് ഹൃദയാഘാതം മൂലംമരിച്ച കോട്ടയം ജില്ലയിലെ പൊന്‍കുന്നം ചിറക്കടവം കുഴിപ്പള്ളിക്കുന്നേല്‍ മുഹമ്മദ് ബഷീറ ിന്റെകുടുംബത്തെ സഹായിക്കാനായി കേളി കലാസാംസ്‌കാരിക വേദി പ്രവര്‍ത്തകരില്‍ നിന്നും സ്വരൂപിച്ച തുക പൊന്‍കുന്നം സി. പി. ഐ. എം ഏരിയാ കമ്മിറ്റി ഓഫീസില്‍ വെച്ച് നടന്ന ചടങ്ങില്‍ വെച്ച് സി. പി. ഐ(എം) വാഴൂര്‍ ഏരിയാ സെക്രട്ടറി പ്രൊ. നരേന്ദ്രനാഥില്‍ നിന്നും ബഷീറിന്റെ ഭാര്യ സുഹറാ ബീവി ഏറ്റു വാങ്ങി.ചടങ്ങില്‍ കേളി പ്രസിഡന്റ് എം. നസീര്‍ അദ്ധ്യക്ഷനായിരുന്നു.കേളി മുഖ്യ രക്ഷാധികാരി കെ. ആര്‍. ഉണ്ണികൃഷ്ണന്‍, ദസ്തകീര്‍, മുന്‍ രക്ഷാധികാരികളായ പി. വല്‍സന്‍. എന്‍. എ. ജോണ്‍, പി. പി. മജീദ്, കേളി ജോയിന്റ് സെക്രട്ടറിമാരായ അനില്‍ കുമാര്‍, ബി. പി. രാജീവന്‍, സജീവന്‍, ഇസ്മയില്‍, ജയമോഹന്‍ എന്നിവരും, സി.പി.ഐ. (എം) പൊന്‍കുന്നം ലോക്കല്‍ സെക്രട്ടറി രാമചന്ദ്രന്‍ എന്നിവര്‍ സംസാരിച്ചു.
ബഷീര്‍ കുടുംബ സഹായ ഫണ്ട് സി. പി. ഐ (എം) വാഴൂര്‍ ഏരിയാ സെക്രട്ടറി നരേന്ദ്രനാഥില്‍ നിന്നും ബഷീറിന്റെ ഭാര്യ സുഹറബീവി ഏറ്റുവാങ്ങുന്നു.