Tuesday, April 13, 2021
Home Entertainment കുട്ടികളില്‍ നല്ല ഭക്ഷണശീലം വളര്‍ത്താനായി കുക്കറി ഷോയുമായി മിഷേല്‍ ഒബാമ

കുട്ടികളില്‍ നല്ല ഭക്ഷണശീലം വളര്‍ത്താനായി കുക്കറി ഷോയുമായി മിഷേല്‍ ഒബാമ

സാമൂഹിക രംഗങ്ങളില്‍ മാത്രമല്ല കുക്കറി ഷോയിലും തിളങ്ങാനായി മിഷേല്‍ ഒബാമ. വെറുമൊരു കുക്കറി ഷോയല്ല, പകരം കുട്ടികളില്‍ നല്ല ഭക്ഷണശീലം വളര്‍ത്താനായാണ് മിഷേല്‍ ഇത്തവണ എത്തുന്നത്. വാഫ്ളെസ് പ്ലസ് മോച്ചി (Waffles + Mochi) എന്നാണ് ഷോയുടെ പേര്. പുതിയ രണ്ട് സുഹൃത്തുക്കളെ പരിചയപ്പെടുത്തിയാണ് മിഷേല്‍ പരിപാടിയെ കുറിച്ച് വ്യക്തമാക്കിയത്. വാഫ്ളെസ് എന്നും മോച്ചിയെന്നും പേരുള്ള രണ്ട് പാവകള്‍ക്കൊപ്പമാണ് മിഷേലിന്റെ ഈ കുക്കറി ഷോ. ‘ഇത് നല്ല ഭക്ഷണത്തെകുറിച്ചാണ്, അവയെ കണ്ടെത്താന്‍ ,പാകം ചെയ്യാന്‍, കഴിക്കാന്‍. ഇവര്‍ രണ്ടാളും നമ്മളെ ലോകത്തിലെ പലതരം രുചിക്കൂട്ടുകളിലേയ്ക്ക് കൊണ്ടുപോകും’- എന്ന് മിഷേല്‍ ഉറപ്പ് തരുന്നു.

അതേസമയം കുട്ടികള്‍ക്ക് ഈ പരിപാടി ഇഷ്ടമാകും, മുതിര്‍ന്നവര്‍ക്ക് ചിരിക്കാനുള്ള വക ഉണ്ടാകുമെന്ന് ഉറപ്പാണ്, ഒപ്പം ചില അടുക്കളയിലെ കുറുക്കു വഴികളും ലഭിക്കും’ – ഷോയെ പറ്റി മിഷേല്‍ പറയുന്നു. കുട്ടികളുടെ ആരോഗ്യത്തെ സംരക്ഷിക്കുന്നതിനുള്ള മാര്‍ഗങ്ങളെ പ്രോത്സാഹിപ്പിക്കാനാണ് ഈ പാചക പരിപാടിയെന്നും മിഷേല്‍ തന്റെ ഇന്‍സ്റ്റഗ്രാമിലൂടെ കൂട്ടിച്ചേര്‍ത്തു. നെറ്റ്ഫ്‌ലിക്‌സിലൂടെയാണ് ഷോ എത്തുക.

Most Popular