മമ്മൂട്ടിയുടെ വീട്ടില്‍ വിരുന്നിനെത്തി മോഹന്‍ലാല്‍; വൈറലായി ചിത്രം
HIGHLIGHTS
ഇച്ചാക്കയ്ക്ക് ഒപ്പം എന്ന തലക്കെട്ടോടെ മമ്മൂട്ടിക്കൊപ്പമുള്ള ചിത്രങ്ങള്‍ ലാല്‍ സാമൂഹിക മാധ്യമങ്ങളില്‍ പങ്കുവയ്ക്കുകയും ചെയ്തു
കൊച്ചി: മമ്മൂട്ടിയുടെ വൈറ്റിലയിലെ പുതിയ വീട്ടില്‍ അതിഥിയായി എത്തി മോഹന്‍ലാല്‍. ഇച്ചാക്കയ്ക്ക് ഒപ്പം എന്ന തലക്കെട്ടോടെ മമ്മൂട്ടിക്കൊപ്പമുള്ള ചിത്രങ്ങള്‍ ലാല്‍ സാമൂഹിക മാധ്യമങ്ങളില്‍ പങ്കുവയ്ക്കുകയും ചെയ്തു. പോസ്റ്റ് ചെയ്ത് നിമിഷങ്ങള്‍ക്ക് അകം ചിത്രം വൈറലായി.
ലോക്ക്ഡൗണിന് തൊട്ടുമുമ്പാണ് പനമ്പിള്ളി നഗറിലെ വീട്ടില്‍ നിന്ന് മമ്മൂട്ടി വൈറ്റിലയിലെ പുതിയ വീട്ടിലേക്ക് താമസം മാറിയത്. പൃഥ്വിരാജ്, ഫഹദ് ഫാസില്‍ തുടങ്ങിയ പുതിയ തലമുറയിലെ സൂപ്പര്‍ താരങ്ങളും നേരത്തെ മമ്മൂട്ടിയുടെ വീട്ടിലെത്തിയിരുന്നു. സിനിമയ്ക്ക് പുറത്തും സൗഹൃദം സൂക്ഷിക്കുന്ന സൂപ്പര്‍ താരങ്ങള്‍ 25ലേറെ ചിത്രങ്ങളില്‍ ഒരുമിച്ച് അഭിനയിച്ചിട്ടുണ്ട്.