News Flash
X
വനിത കളിക്കാര്‍ക്ക്​ പ്രസവാവധി പ്രഖ്യാപിച്ച് ഫിഫ

വനിത കളിക്കാര്‍ക്ക്​ പ്രസവാവധി പ്രഖ്യാപിച്ച് ഫിഫ

personSJ access_timeSaturday December 5, 2020
HIGHLIGHTS
വനിത കളിക്കാര്‍ക്ക്​ ചുരുങ്ങിയത്​ 14 ആഴ്​ച പ്രസവാവധി നല്‍കാനുള്ള തീരുമാനത്തിന്​ ഫിഫ കൗണ്‍സില്‍ അംഗീകാരം നല്‍കി.

സൂറിച്ച്‌​: വനിത ഫുട്​ബാളര്‍മാരുടെ ക്ഷേമത്തിനായി ചരിത്രപരമായ തീരുമാനവുമായി ഫിഫ. വനിത കളിക്കാര്‍ക്ക്​ ചുരുങ്ങിയത്​ 14 ആഴ്​ച പ്രസവാവധി നല്‍കാനുള്ള തീരുമാനത്തിന്​ ഫിഫ കൗണ്‍സില്‍ അംഗീകാരം നല്‍കി. പ്രസവത്തിന്​ ശേഷം ചുരുങ്ങിയത്​ എട്ടാഴ്​ചയാകും അവധി.

‘കളിക്കാരാണ് കളിയിലെ താരങ്ങള്‍, അവരാണ്​ കളിയുടെ ഏറ്റവും പ്രധാനപ്പെട്ട ഭാഗം. അവര്‍ക്ക് തിളങ്ങാന്‍ ഞങ്ങള്‍ വേദിയൊരുക്കിയിട്ടുണ്ടെന്ന് ഉറപ്പാക്കേണ്ടതുണ്ട്. വനിതാ കളിക്കാരുടെ കാര്യം വരുമ്ബോള്‍ അവരുടെ കരിയറില്‍ കൂടുതല്‍ സ്ഥിരത കൊണ്ടുവരണം. ഉദാഹരണത്തിന്, അവര്‍ക്ക് പ്രസവാവധി എടുക്കേണ്ടതുണ്ടെങ്കില്‍, അവര്‍ വിഷമിക്കേണ്ടതില്ല’ -ഫിഫ പ്രസിഡന്‍റ്​ ജിയാനി ഇന്‍ഫാന്‍റീനോ ട്വിറ്റര്‍ വിഡിയോയിലൂടെ വ്യക്തമാക്കി. അവധി കഴിഞ്ഞെത്തുന്ന കളിക്കാരെ വീണ്ടും മത്സരങ്ങള്‍ക്ക്​ സജ്ജമാക്കാന്‍ ആവശ്യമായ പിന്തുണ ക്ലബ്​ നല്‍കണമെന്ന്​ നിര്‍ദേശം നല്‍കി.

SHARE :
folder_openTags
content_copyCategory