News Flash
X
കെ എം ഷാജിക്കെതിരായ വധഭീഷണിയില്‍ പോലിസ് എഫ്‌ഐആര്‍ രജിസ്റ്റര്‍ ചെയ്തു; അന്വേഷണം തേജസിനെ കേന്ദ്രീകരിച്ച്; ശബ്ദ രേഖ എങ്ങിനെ ലഭിച്ചുവെന്നതും അന്വേഷിക്കും

കെ എം ഷാജിക്കെതിരായ വധഭീഷണിയില്‍ പോലിസ് എഫ്‌ഐആര്‍ രജിസ്റ്റര്‍ ചെയ്തു; അന്വേഷണം തേജസിനെ കേന്ദ്രീകരിച്ച്; ശബ്ദ രേഖ എങ്ങിനെ ലഭിച്ചുവെന്നതും അന്വേഷിക്കും

personmtp rafeek access_timeTuesday October 20, 2020
HIGHLIGHTS
കെ.എം ഷാജി എംഎല്‍എയെ വധിക്കാന്‍ ഗൂഢാലോചന നടന്നെന്ന പരാതിയില്‍ കണ്ണൂര്‍ വളപട്ടണം പോലിസ് പ്രാഥമിക അന്വേഷണം ആരംഭിച്ചു.

കണ്ണൂര്‍: കെ.എം ഷാജി എംഎല്‍എയെ വധിക്കാന്‍ ഗൂഢാലോചന നടന്നെന്ന പരാതിയില്‍ കണ്ണൂര്‍ വളപട്ടണം പോലിസ് പ്രാഥമിക അന്വേഷണം ആരംഭിച്ചു. എംഎല്‍എയുടെ പരാതിയില്‍ പറയുന്ന തേജസിനെ കേന്ദ്രീകരിച്ചാണ് അന്വേഷണം പുരോഗമിക്കുന്നത്.

കെ എം ഷാജി എംഎല്‍എ ഡിജിപിക്ക് നല്‍കിയ പരാതിയില്‍ എഫ്‌ഐആര്‍ റജിസ്റ്റര്‍ ചെയ്തു. എംഎല്‍എക്ക് നേരയുണ്ടായ വധഭീഷണി ഗൗരവമേറിയതാണെന്ന വിലയിരുത്തലിലാണ് പ്രാഥമിക അന്വേഷണത്തിന് തുടക്കാമായത്. പരാതിയില്‍ പറയുന്ന തേജസ് എന്നയാളെ കണ്ടെത്തുകയാണ് ആദ്യ ലക്ഷ്യം. പാപ്പിനിശേരി സ്വദേശിയായ ഇയാള്‍ക്കെതിരെ ക്രിമിനല്‍ ഗൂഢാലോചനയടക്കമുള്ള കുറ്റങ്ങള്‍ ചുമത്തിയാണ് കേസ് എടുത്തിട്ടുള്ളത്.

തേജസ് ഗുണ്ടാസംഘത്തിന് ക്വട്ടേഷന്‍ നല്‍കാന്‍ ബന്ധപ്പെട്ടതിന്റെ ശബ്ജരേഖ കെ എം ഷാജി പരാതിയോടൊപ്പം കൈമാറിയിരുന്നു. തേജസിനെ ശബ്ദവും എംഎല്‍എ തെളിവായി നല്‍കിയ ശബ്ദവും ഒന്നാണോയെന്ന് പരിശോധിക്കണം. തേജസിന് രാഷ്ട്രീയ ബന്ധമുണ്ടെങ്കില്‍ കേസിന്റെ ഗൗരവം വര്‍ധിക്കുമെന്ന് പോലിസ് പറഞ്ഞു.

അതേ സമയം, വധ ഭീഷണിയുമായി ബന്ധപ്പെട്ട ശബ്ദരേഖയടക്കമുള്ള വിശദാംശങ്ങള്‍ എംഎല്‍എയ്ക്ക് എങ്ങനെ ലഭിച്ചു എന്നതും അന്വേഷണ പരിധിയില്‍ വരും. കേസില്‍ കെ എം ഷാജി എംഎല്‍എ യില്‍ നിന്ന് അടുത്ത ദിവസം തന്നെ മൊഴിയെടുക്കും.

SHARE :
folder_openTags
content_copyCategory