Thursday, May 19, 2022
HomeGulfദോഹ ജ്വല്ലറി & വാച്ചസ് എക്‌സിബിഷന്റെ പതിനെട്ടാം എഡിഷൻ ആരംഭിച്ചു

ദോഹ ജ്വല്ലറി & വാച്ചസ് എക്‌സിബിഷന്റെ പതിനെട്ടാം എഡിഷൻ ആരംഭിച്ചു

ദോഹ: ദോഹ ജ്വല്ലറി & വാച്ചസ് എക്‌സിബിഷന്റെ 18ആം എഡിഷൻ ദോഹ എക്‌സിബിഷൻ ആൻഡ് കൺവെൻഷൻ സെന്ററിൽ ആരംഭിച്ചു. ഖത്തറിന്റെ വാർഷിക ബിസിനസ് ഇവന്റുകളിലെ ഏറ്റവും ദൈർഘ്യമേറിയതായി പ്രതീക്ഷിക്കപ്പെടുന്ന ഇവന്റ് കൂടിയാണിത്.

ഖത്തർ ടൂറിസം സംഘടിപ്പിക്കുന്ന ഇവന്റ് മെയ് 14 ശനിയാഴ്ച വരെ നീണ്ടുനിൽക്കും. അന്തർദേശീയമായി അംഗീകരിക്കപ്പെട്ട ബ്രാൻഡുകളുടെയും ഡിസൈനർമാരുടെയും പ്രാദേശിക ഡിസൈനർമാരുടെയും ക്ലാസിക്, സമകാലിക ലക്ഷ്വറി ശേഖരങ്ങളുടെ വിപുലമായ പ്രദർശനം ദോഹ ജ്വല്ലറി & വാച്ചസ് എക്സിബിഷൻ വാഗ്ദാനം ചെയ്യുന്നുവെന്ന് ഖത്തർ ടൂറിസം പറഞ്ഞു.

Doha Jewellery and Watches Exhibition DJWE 2022 | Qatar Living Events

10 രാജ്യങ്ങളിൽ നിന്നുള്ള 500ലധികം ബ്രാൻഡുകൾ ഇതിൽ പങ്കെടുക്കും. ഈ വർഷത്തെ ഡിജെഡബ്ല്യുഇയുടെ പ്രൊമോഷണൽ കാമ്പെയ്‌നിന്റെ മുഖം ബോളിവുഡ് സൂപ്പർസ്റ്റാർ ആലിയ ഭട്ടാണ്. ലക്ഷ്വറി എക്‌സിബിഷനിൽ സന്ദർശകർക്ക് വിവിധ ബ്രാൻഡുകൾ നടത്തുന്ന വർക്ക്‌ഷോപ്പുകളും ഡിജെഡബ്ല്യുഇ ലോഞ്ചിൽ ആഭരണങ്ങളെ അടിസ്ഥാനമാക്കിയുള്ള ഫിലിം പ്രദർശനങ്ങളും ആസ്വദിക്കാം.

കൊവിഡ് മൂലം ഒരു വര്‍ഷത്തെ ഇടവേളയ്ക്ക് ശേഷമുള്ള, ഡി.ജെ.ഡബ്ല്യു.ഇ ലോഞ്ച്, ആഗോള വിദഗ്ധരുടെ ശില്‍പശാലകള്‍, ഖത്തറി പ്രതിഭകളുടെ ആഭരണ ഡിസൈനുകള്‍, ഖത്തറിനായി രൂപകല്‍പ്പന ചെയ്തിരിക്കുന്ന എക്സ്‌ക്ലൂസീവ് ശേഖരങ്ങള്‍, ഫിഫ വേള്‍ഡ് കപ്പ് ഖത്തര്‍ ആഭരണ ശേഖരം ഇതിന് പുറമെ യംഗ് ഖത്തരി ഡിസൈനേഴ്‌സ് പവലിയന്‍, ഡി ബിയേഴ്‌സ് നടത്തുന്ന ഡയമണ്ട് വര്‍ക്ക്‌ഷോപ്പുകള്‍, ഒബ്ജക്റ്റിഫ് ഹോര്‍ലോഗറി വര്‍ക്ക്‌ഷോപ്പുകള്‍, ഖത്തര്‍ വാച്ച് ക്ലബ് വര്‍ക്ക്‌ഷോപ്പുകള്‍ എന്നിവ ഉള്‍പ്പെടുന്നു.
Prime Minister inaugurates Doha Jewellery and Watches Exhibition | The Peninsula Qatar

ഔദ്യോഗിക വെബ്‌സൈറ്റായ www.djwe.qa വഴി രജിസ്‌ട്രേഷൻ നടത്തിയാൽ എക്‌സിബിഷനിലേക്കുള്ള പ്രവേശനം സൗജന്യമാണ്. ഇവൻറിന്റെ സമയക്രമം വെള്ളി ഒഴികെയുള്ള ദിവസങ്ങളിൽ ഉച്ചക്ക് 12 മണി മുതൽ രാത്രി 10 മണി വരെയും വെള്ളിയാഴ്ച വൈകുന്നേരം 4 മണി മുതൽ രാത്രി 10 മണി വരെയുമാണ്.

Most Popular