Thursday, December 8, 2022
HomeGulfഎ.എഫ്‌.സി. അണ്ടർ 23 ഏഷ്യ കപ്പും ഖത്തറിൽ

എ.എഫ്‌.സി. അണ്ടർ 23 ഏഷ്യ കപ്പും ഖത്തറിൽ

ദോഹ: എ.എഫ്‌.സി. അണ്ടർ 23 ഏഷ്യ കപ്പും ഖത്തറിൽ. ലോകകപ്പിന് പിന്നാലെയാണ് 2024 ഇൽ മറ്റൊരു പ്രധാന മത്സരത്തിനുകൂടി ഖത്തർ വേദിയാകുന്നത്. മലേഷ്യയിലെ ക്വാലാലംപൂരിൽ നടന്ന ഏഷ്യൻ ഫുട്ബോൾ കോൺഫെഡറേഷൻ (എ.എഫ്‌.സി.) കോമ്പറ്റീഷൻസ് കമ്മിറ്റിയുടെ അഞ്ചാമത് മീറ്റിംഗിലാണ് തീരുമാനമെടുത്തത്.

ഇസ്ലാമിക് റിപ്പബ്ലിക് ഓഫ് ഇറാൻ, സൗദി അറേബ്യ, യുണൈറ്റഡ് അറബ് എമിറേറ്റ്സ്, ഉസ്ബെക്കിസ്ഥാൻ എന്നിവ ഉൾപ്പെടെ അഞ്ച് രാജ്യങ്ങളാണ് ലേലത്തിന് ഉണ്ടായിരുന്നത്. സമഗ്രമായ ബിഡ് മൂല്യനിർണ്ണയ പ്രക്രിയയ്ക്കും മറ്റ് വിലയിരുത്തലുകൾക്കും ശേഷമാണ് ഖത്തറിന് നറുക്ക് വീണത്.

മറ്റ് എഎഫ്‌സി മത്സരങ്ങൾ എഎഫ്‌സി ഏഷ്യൻ കപ്പുമായി യോജിപ്പിക്കുന്നതിൽ സ്ഥിരതയാർന്ന സമീപനം സ്വീകരിക്കുന്നതിനുള്ള നിർദ്ദേശവും കമ്മറ്റി അംഗീകരിച്ചു.

Most Popular