ദോഹ: 35-ാമത് ദോഹ തിയേറ്റർ ഫെസ്റ്റിവലിന് ഇന്ന് തുടക്കമാകും. സാംസ്കാരിക മന്ത്രി ഷെയ്ഖ് അബ്ദുൽറഹ്മാൻ ബിൻ ഹമദ് അൽതാനിയുടെ ആഭിമുഖ്യത്തിൽ കൾച്ചറൽ വില്ലേജ് ഫൗണ്ടേഷൻ – കത്താറയിലെ നാടക തിയറ്ററിലാണ് പരിപാടി സംഘടിപ്പിക്കുക. മെയ് 16 മുതൽ 29 വരെയാണ് പരിപാടി. ഏറ്റവും പഴക്കമേറിയ ഫെസ്റ്റിവലിൽ ഒന്നാണ് ദോഹ തിയേറ്റർ ഫെസ്റ്റിവൽ.
13 വൈവിധ്യമാർന്ന നാടക അവതരണങ്ങളുടെ പങ്കാളിത്തത്തോടെ, ഗ്രൂപ്പുകൾ, സ്ഥാപനങ്ങൾ, അമച്വർമാർ, സർവകലാശാലകൾ, കമ്മ്യൂണിറ്റികൾ എന്നിവയിൽ നിന്നുള്ള നാടക സർഗ്ഗാത്മകതയുടെ എല്ലാ ഘടകങ്ങളും ഉൾപ്പെടുത്തിയാണ് ഫെസ്റ്റിവൽ നടക്കുകയെന്ന് അധികൃതർ പറഞ്ഞു.
