കുവൈത്ത് സിറ്റി: മയക്കുമരുന്ന് കേസിൽ ശിക്ഷ അനുഭവിക്കുന്ന സഹോദരന് ലഹരി എത്തിക്കാനുള്ള ശ്രമത്തിനിടെ അറസ്റ്റിലായി യുവാവ്. ശരീരത്തിൽ മയക്കുമരുന്ന് ഒളിപ്പിച്ച് ജയിലിൽ എത്തി സഹോദരന് കൈമാറാനുള്ള നീക്കമാണ് കുവൈത്ത് പോലീസ് ഉദ്യോഗസ്ഥർ തടഞ്ഞത്.
സന്ദർശകനോട് ഇലക്ട്രോണിക് ഗേറ്റിലൂടെ കടന്നുപോകാൻ ആവശ്യപ്പെട്ടപ്പോൾ ഇയാൾ പരുങ്ങുന്നതു കണ്ട് സുരക്ഷ ഉദ്യോഗസ്ഥർ കൂടുതൽ പരിശോധനകൾ നടത്തുകയായിരുന്നു. ദേഹപരിശോധനയിൽ ഹഷീഷ് നിറച്ച രണ്ട് സിഗരറ്റുകളും രണ്ട് രാസവസ്തുക്കളും ശരീരത്തിൽ ഒളിപ്പിച്ചുവെച്ചതായി കണ്ടെത്തി. പ്രതിയേയും പിടിച്ചെടുത്ത മയക്കുമരുന്നും പൊലീസിന് കൈമാറി.
