ദുബൈ: ദുബൈയിൽ നിന്ന് പത്ത് ദിവസം മുൻപ് കാണാതായ പ്രവാസി മലയാളിയെ ശുചിമുറിയിൽ മരിച്ചനിലയിൽ കണ്ടെത്തി. കോഴിക്കോട് എരഞ്ഞിപ്പാലം സ്വദേശി സഞ്ജയ് രാമചന്ദ്രന്‍ (52) ആണ് മരിച്ചത്. ബര്‍ദുബൈയിലെ ഒരു ഐ.ടി സ്ഥാപനത്തില്‍ ബിസിനസ് ഡെവലപ്‍മെന്റ് മാനേജറായി ജോലി ചെയ്യുകയായിരുന്നു
ഫെബ്രുവരി 17 മുതല്‍ സഞ്ജയ് രാമചന്ദ്രനെ കാണാനില്ലെന്ന് കാണിച്ച് സുഹൃത്തുക്കള്‍ പൊലീസില്‍ പരാതി നല്‍കിയിരുന്നു. തുടര്‍ന്ന് പൊലീസ് നടത്തിയ അന്വേഷണത്തിലാണ് താമസ സ്ഥലത്തെ ശുചി മുറിയില്‍ അദ്ദേഹത്തെ മരിച്ച നിലയില്‍ കണ്ടെത്തിയത്. നേരത്തെ ഖത്തറില്‍ പ്രവാസിയായിരുന്ന സഞ്ജയ് രാമചന്ദ്രന്‍ അടുത്തിടെയാണ് ദുബൈയില്‍ എത്തിയത്.
പിതാവ് – പരേതനായ രാമചന്ദ്രന്‍ മേനോന്‍. മാതാവ് – പരേതനായ ഉമ മേനോന്‍. അവിവാഹിതനാണ്.
