Home Gulf ഖത്തറിൽ ഇന്ത്യക്കാരിക്ക് നാലാം തവണയും ഗിന്നസ് റെക്കോർഡ്

ഖത്തറിൽ ഇന്ത്യക്കാരിക്ക് നാലാം തവണയും ഗിന്നസ് റെക്കോർഡ്

ദോഹ: മൂന്ന് തവണ ഗിന്നസ് വേൾഡ് റെക്കോർഡ് ജേതാവും ഇന്ത്യക്കാരിയുമായ അൾട്രാ റണ്ണർ സൂഫിയ സൂഫി ഖാൻ “റൺ അക്രോസ് ഖത്തർ, സൗത്ത് ടു നോർത്ത്” എന്ന ക്യാമ്പയിനിലൂടെ മറ്റൊരു ഗിന്നസ് റെക്കോർഡ് കൂടി സ്വന്തമാക്കി. അറിയപ്പെടുന്ന ഏറ്റവും വേഗതയേറിയ സമയത്തിൽ ഓട്ടം പൂർത്തിയാക്കിയ റെക്കോഡ് ആണ് സൂഫിയ ഖത്തറിൽ തകർത്തത്.

30 മണിക്കൂറും 34 മിനിറ്റും കൊണ്ട്, തന്റെ ആദ്യ അന്താരാഷ്ട്ര പര്യവേഷണമായ ‘റൺ അക്രോസ് ഖത്തർ’ സൂഫിയ പൂർത്തിയാക്കി. 200 കിലോമീറ്റർ സൗത്ത് ടു നോർത്ത് അൾട്രാമാരത്തോൺ ഓട്ടമാണ് ഇതിൽ ഉൾപ്പെട്ടത്.

ജനുവരി 12 ന് രാവിലെ 6 ന് അബു സമ്രയിൽ നിന്ന് ആരംഭിച്ച രണ്ട് ദിവസത്തെ കാമ്പയിൻ ജനുവരി 13 ന് അൽ റുവൈസിലെ സുലാൽ വെൽനസ് റിസോർട്ടിൽ അവസാനിച്ചു.

ഇന്ത്യയിലുടനീളമുള്ള ദീർഘദൂര ഓട്ടങ്ങൾക്ക് പ്രശസ്തയാണ് 37-കാരിയായ സൂഫിയ. 2019-ൽ കാശ്മീർ മുതൽ കന്യാകുമാരി വരെ സഞ്ചരിച്ച ഏറ്റവും വേഗമേറിയ വനിത, 2021-ൽ ഗോൾഡൻ ക്വാഡ്രിലാറ്ററൽ റോഡ് റൺ പൂർത്തിയാക്കിയ വനിത, 2022-ൽ മണാലി-ലേ ഹിമാലയൻ അൾട്രാ റൺ ചലഞ്ച് പൂർത്തിയാക്കിയ വനിത എന്ന ലോക റെക്കോർഡുകൾ അവർക്ക് സ്വന്തമാണ്.