ഷാർജ: ഇന്ത്യൻ ഡോക്ടര്‍ ദമ്പതികളെ ഷാർജയിലെ അപ്പാർട്ട്മെന്റിൽ മരിച്ച നിലയില്‍ കണ്ടെത്തി. മുംബൈ സ്വദേശികളായ ഡോ. ജാവേദ് (76), ഡോ. ഫര്‍ഹത് ഫാത്വിമ (70) എന്നിവരെയാണ് തൂങ്ങി മരിച്ച നിലയില്‍ കണ്ടെത്തിയത്. ഷാർജ അല്‍നബ്ബ ഏരിയയിലെ അപ്പാർട്ട്മെന്റിലാണ് സംഭവം.
ദമ്പതികൾ ഷാർജയിൽ ഡോക്ടറായ മകനെ സന്ദര്‍ശിക്കാന്‍ എത്തിയതായിരുന്നു. ജോലി കഴിഞ്ഞ് തിരിച്ചെത്തിയ മകനാണ് ഇരുവരെയും തൂങ്ങിമരിച്ച നിലയില്‍ കണ്ടെത്തിയത് എന്നാണ് ആദ്യ വിവരം.
പൊലീസിനെ വിവരം അറിയിച്ചതും മകനാണ് എന്നാണ് വിവരം. ഷാർജ പൊലീസ് പെട്രോൾ സംഘം സ്ഥലത്തെത്തി തുടര്‍ നടപടികള്‍ സ്വീകരിച്ചു. മൃതദേഹങ്ങള്‍ അല്‍ കുവൈതി ആശുപത്രിയിലേക്ക് മാറ്റി. തുടര്‍ന്ന് ഒടോപ്‌സിയ്ക്കായി ഫൊറന്‍സിക് ലാബിലേക്കും അയച്ചു. സംഭവവുമായി ബന്ധപ്പെട്ട് പൊലീസ് അന്വേഷണം ആരംഭിച്ചു.
