ദോഹ: ഫിഫ വേൾഡ് കപ്പിനോടനുബന്ധിച്ച് ഇന്ത്യൻ കമ്മ്യൂണിറ്റി നേതൃത്വത്തിൽ നടന്ന സാംസ്കാരിക സായാഹ്നം ശ്രദ്ധേയമായി. സാംസ്കാരിക മന്ത്രാലയത്തിന് കീഴിലുള്ള മ്യൂസിക് അഫയേഴ്‌സ് സെന്ററിൽ നടന്ന പരിപാടി ഇന്ത്യയിലെ വിവിധ പ്രദേശങ്ങളിലെ കലാ സാംസ്കാരിക വിനിമയങ്ങളുടെ സംഗമഭൂമിയായി മാറി.
വുമൺ ഇന്ത്യ ഖത്തർ പ്രസിഡന്റ് നഹ്‌യാബീവി, തനിമ ഖത്തർ ഡയറക്ടർ ആർ. എസ്. അബ്ദുൽ ജലീൽ എന്നിവരുടെ സാന്നിദ്ധ്യത്തിൽ സെന്റർ ഫോർ ഇന്ത്യൻ കമ്മ്യൂണിറ്റി ഖത്തർ (സി.ഐ.സി) ജനറൽ സെക്രട്ടറി നൗഫൽ പാലേരി ഉൽഘാടനം നിർവഹിച്ച സംഗമത്തിൽ മലർവാടി ബാലസംഘം, തനിമ ഖത്തർ, വിമൻ ഇന്ത്യ, ശാന്തിനികേതൻ ഇന്ത്യൻ സ്കൂൾ, പോഡാർ പേൾ സ്കൂൾ എന്നിവയിലെ കലാകാരന്മാർ വ്യത്യസ്തങ്ങളായ കലാ പ്രകടനങ്ങൾ കാഴ്ചവെച്ചു.
ഇന്ത്യയിലെ വിവിധ പ്രദേശങ്ങളിലെ തനത് കലാ രൂപങ്ങളായ ഹര്യാൻവി ഡാൻസ്, കോൽക്കളി, ദണ്ഡിയാ ഡാൻസ്, ഒപ്പന, പഞ്ചാബി ബംഗാര ഡാൻസ്, ദഫ് മുട്ട്, പീക്കോക് ഡാൻസ്, നാടൻ പാട്ട്, ഹിന്ദി, തമിഴ്, പഞ്ചാബി, മലയാളം ഗാനങ്ങൾ, സംഗീത ശില്പം, നാടോടി ഗാനങ്ങൾ എന്നിവ അവതരിപ്പിക്കപ്പെട്ടു.
കലാ കാരൻ അബ്ദുൽ ബാസിത്തിന്റെ വിവിധ പെയിന്റിങ്ങുകൾ പ്രദർശിക്കപ്പെട്ടു .
കൂടാതെ മെഹന്തി ഡിസൈൻ, കര കൗശല സാമഗ്രികൾ, ഇസ്ലാമിക് കാലിഗ്രാഫി എന്നിവയുടെ പ്രദർശനവും നടന്നു. സാംസകാരിക മന്ത്രാലയം പ്രതിനിധികൾ പരിപാടികളിൽ പങ്കെടുത്തു.
കെ .സി അബ്ദു ലത്തീഫ് ,ഡോ :അബ്ദുൽ വാസിഹ് , അഹ്മദ്‌ ഷാഫി, ഡോ :സൽമാൻ ,സാലിം വേളം, സിദ്ദിഖ് വേങ്ങര, സറീന ബഷീർ, ഇലൈഹി സബീല, അബ്ദുൽ ജലീൽ എം .എം എന്നിവർ നേതൃത്വം നൽകി.
