ദോഹ: ഖത്തർ ഇന്ത്യൻ എംബസി ഓപ്പൺ ഹൗസ് നാളെ. മാസം തോറും അവസാനത്തെ വ്യാഴാഴ്ചയാണ് ഓപ്പൺ ഹൗസ് സംഘടിപ്പിക്കുന്നത്. ഇന്ത്യക്കാരുടെ പ്രശ്നങ്ങൾ പരിഹരിക്കുന്നതിനും പരിഹാര നടപടികൾ നിർദേശിക്കുന്നതിനുമായാണ് ഓപ്പൺ ഹൗസ്. ഇന്ത്യന്‍ അംബാസിഡര്‍ ഡോ. ദീപക് മിത്തല്‍ ഓപണ്‍ ഹൗസിന് നേതൃത്വം നല്‍കും. നാളെ ഉച്ചയ്ക്ക് ശേഷം 3 മണി മുതല്‍ 5 മണി എംബസിയില്‍ നേരിട്ട് ഹാജരായും 5 മണി മുതല്‍ 7 മണിവരെ വെബെക്സിലും (മീറ്റിംഗ് ഐ.ഡി 23627763771 (പാസ് വേഡ് 112200) 55097295 എന്ന ഫോണ്‍ നമ്പര്‍ വഴിയും ഓപണ്‍ ഹൗസില്‍ പങ്കെടുക്കാം. താല്‍പര്യമുള്ളവര്‍ക്ക് [email protected] എന്ന ഇമെയിലിലേക്ക് അപേക്ഷകള്‍ അയക്കുകയും ചെയ്യാം.
