Monday, September 26, 2022
HomeGulfഖത്തർ ഇന്റർനാഷണൽ ആർട്ട് ഫെസ്റ്റിവലിന്റെ നാലാം പതിപ്പിന് സെപ്റ്റംബർ 25 മുതൽ കത്താറയിൽ തുടക്കമാകും

ഖത്തർ ഇന്റർനാഷണൽ ആർട്ട് ഫെസ്റ്റിവലിന്റെ നാലാം പതിപ്പിന് സെപ്റ്റംബർ 25 മുതൽ കത്താറയിൽ തുടക്കമാകും

ദോഹ: ഖത്തർ ഇന്റർനാഷണൽ ആർട്ട് ഫെസ്റ്റിവലിന്റെ നാലാം പതിപ്പിന് സെപ്റ്റംബർ 25 മുതൽ കത്താറയിൽ തുടക്കമാകും. സെപ്റ്റംബർ 30 വരെ ഫെസ്റ്റിവൽ തുടരും. പ്രാദേശിക കലാരംഗത്തെ പ്രോത്സാഹിപ്പിക്കുന്നതിനും ആഗോള കലാകേന്ദ്രമെന്ന നിലയിൽ ഖത്തറിന്റെ സാന്നിധ്യം വർദ്ധിപ്പിക്കുന്നതിനുമുള്ള ശ്രമങ്ങളുടെ ഭാഗമായാണ് കത്താറ ആർട്ട്സ് ഫെസ്റ്റിവൽ സംഘടിപ്പിക്കുന്നത്. മാപ്‌സ് ഇന്റർനാഷണലിന്റെ സഹകരണത്തോടെയാണ് ആർട് ഫെസ്റ്റിവൽ നടക്കുക.

65 രാജ്യങ്ങളിൽ നിന്നുള്ള 300 കലാകാരന്മാർ പങ്കെടുക്കുന്ന QIAF 2022, പങ്കെടുക്കുന്ന കലാകാരന്മാരെ പരിചയപ്പെടുത്താനും പ്രിന്റ്, ഇലക്ട്രോണിക്, ഡിജിറ്റൽ, സോഷ്യൽ മീഡിയ വഴി അവരുടെ സൃഷ്ടികൾക്ക് പ്രചാരം നൽകാനും, ക്ഷണിക്കപ്പെട്ട ആർട്ട് കളക്ടർമാർ, ആർട്ട് നിക്ഷേപകർ, ഉപഭോക്താക്കൾ എന്നിവരുമായി സംവദിക്കാനും ശ്രമിക്കുന്നു.

ഖത്തരി സാംസ്കാരിക പര്യടനം, പെയിന്റിംഗ്, ശിൽപ പ്രദർശനം, തത്സമയ പെയിന്റിംഗ് സെമിനാർ, ആർട്ട് ഫാഷൻ ഷോ, വിദഗ്ധർ നടത്തുന്ന കോഴ്സുകൾ, ആർട്ട് പാനൽ ചർച്ച, ആർട്ട് എക്സിബിഷൻ, സാംസ്കാരിക സമ്മേളനം, ഡിന്നർ സമ്മേളനങ്ങൾ എന്നിവയുൾപ്പെടെ 9 വൈവിധ്യമാർന്ന കലാപരിപാടികൾ ഫെസ്റ്റിവലിൽ ഉൾപ്പെടുന്നു.

ഖത്തറിലെയും വിദേശത്തെയും കലാകാരന്മാർക്ക് ഖത്തറി കലാരംഗത്ത് പ്രത്യക്ഷപ്പെടാനുള്ള അന്താരാഷ്ട്ര വേദിയായി ഖത്തർ ഇന്റർനാഷണൽ ആർട്ട് ഫെസ്റ്റിവൽ ഇതിനോടകം മാറിയിട്ടുണ്ട്.

Most Popular