Sunday, December 4, 2022
HomeNewsfeedഖത്തറില്‍ ഇന്ന് 133 പേര്‍ക്ക് സമ്പര്‍ക്കത്തിലൂടെ രോഗബാധ; ആശുപത്രി കേസുകള്‍ നൂറിലേക്ക്

ഖത്തറില്‍ ഇന്ന് 133 പേര്‍ക്ക് സമ്പര്‍ക്കത്തിലൂടെ രോഗബാധ; ആശുപത്രി കേസുകള്‍ നൂറിലേക്ക്

ദോഹ: ഖത്തറില്‍(Qatar) ഇന്ന് 149 പേര്‍ക്ക് കോവിഡ്(covid) സ്ഥിരീകരിച്ചു. 133 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 16 പേര്‍ യാത്രക്കാരാണ്. 24 മണിക്കൂറിനിടെ 93 പേര്‍ കോവിഡില്‍ നിന്ന് രോഗമുക്തി നേടുകയും ചെയ്തു. ഇതോടെ രാജ്യത്ത് കോവിഡ് രോഗമുക്തി നേടിയവരുടെ എണ്ണം 2,39,147 ആയി.

രാജ്യത്ത് ഇന്ന് കോവിഡ് മരണമില്ല. ആകെ മരണം 611. രാജ്യത്ത് നിലവില്‍ 1,769 പേരാണ് ചികിത്സയില്‍ കഴിയുന്നത്. 12 പേര്‍ ഐ.സി.യുവില്‍ ചികിത്സയിലുണ്ട്. 24 മണിക്കൂറിനിടെ ആരെയും ഐസിയുവില്‍ പ്രവേശിപ്പിച്ചിട്ടില്ല. ആറ് പേരെക്കൂടി ആശുപത്രിയില്‍ പ്രവേശിപ്പിച്ചു. 99 പേരാണ് നിലവില്‍ ആശുപത്രിയില്‍ കഴിയുന്നത്.

24 മണിക്കൂറിനിടെ 5,531 ഡോസ് വാക്സിന്‍ കൂടി നല്‍കി. വാക്സിനേഷന്‍ ക്യാമ്പയിന്‍ ആരംഭിച്ചതിന് ശേഷം ഇതുവരെ 48,94,936 ഡോസ് വാകിനുകളാണ് ഖത്തറില്‍ വിതരണം ചെയ്തതെന്ന് ആരോഗ്യ മന്ത്രാലയം അറിയിച്ചു.
ALSO WATCH

 

Most Popular