ദോഹ: ഖത്തറിൽ പ്രതിദിന കേസുകളുടെ എണ്ണം 100 ൽ താഴെയായി. 87 പുതിയ കോവിഡ് കേസുകള്‍ മാത്രമാണ് ഇന്നലെ റിപ്പോർട്ട് ചെയ്തത്. നീണ്ട കാലയളവിനുള്ളില്‍ ആദ്യമായാണ് രാജ്യത്ത് പ്രതിദിന കേസ് നൂറില്‍ താഴെ റിപ്പോര്‍ട്ട് ചെയ്യുന്നത്. കഴിഞ്ഞ ഏതാനും ദിവസങ്ങളായി പ്രതിദിന കേസുകളില്‍ കാര്യമായ കുറവ് രേഖപ്പെടുത്തിയതിെന്‍റ തുടര്‍ച്ചയായാണ് വെള്ളിയാഴ്ച 87ലെത്തിയത്. ഇന്നലെ റിപ്പോര്‍ട്ട് ചെയ്തവരില്‍ 52 പേര്‍ക്ക് സമ്ബര്‍ക്കത്തിലൂടെയാണ് രോഗപ്പകര്‍ച്ച. 35 പേര്‍ വിദേശത്തു നിന്നെത്തിയവരാണ്. വ്യാഴാഴ്ച 105 പേര്‍ക്ക് കോവിഡ് റിപ്പോര്‍ട്ട് ചെയ്തിരുന്നു. വെള്ളിയാഴ്ച ഖത്തറില്‍ ഒരു മരണം റിപ്പോര്‍ട്ട് ചെയ്തു. ഇതോടെ രാജ്യത്തെ ആകെ കോവിഡ് മരണം 588ആയി. ഇന്നലെ 113 പേരാണ് രോഗമുക്തി നേടിയത്. ആകെ 219041 പേര്‍ക്കാണ് രോഗമുക്തിയുണ്ടായത്. നിലവിലുള്ള ആകെ രോഗികള്‍ 1836 ആണ്. ഇന്നലെ 18,809 പേര്‍ പരിശോധനക്ക് വിധേയരായി. ആകെ 21,41,812 പേര്‍ക്ക് പരിശോധന നടത്തിയപ്പോള്‍ 22,465 പേര്‍ക്കാണ് ഇതുവരെ വൈറസ്ബാധയുണ്ടായത്. നിലവില്‍ 119 പേരാണ് ആശുപത്രികളില്‍ ചികില്‍സയിലുള്ളത്.
തീവ്രപരിചരണവിഭാഗത്തില്‍ 60 പേരുമുണ്ട്. ഇതുവരെ ആകെ 2989,246 ഡോസ് കോവിഡ് വാക്സിനാണ് നല്‍കിയത്. കഴിഞ്ഞ 24 മണിക്കൂറിനുള്ളില്‍ 33,189 ഡോസ് വാക്സിന്‍ നല്‍കി. അതേസമയം ജാഗ്രതയും മുന്‍കരുതലും കൈവിടരുതെന്ന് പൊതുജനാരോഗ്യ മന്ത്രാലയം ആവര്‍ത്തിച്ച്‌ മുന്നറിയിപ്പ് നല്‍കുന്നു. മാസ്ക് ധരിക്കുക, സാമൂഹിക അകലം പാലിക്കുക, സാനിറ്റൈസറോ സോപ്പോ ഉപയോഗിച്ച്‌ എപ്പോഴും കൈ കഴുകുക. വായ്, കണ്ണ്, മൂക്ക് എന്നിവിടങ്ങളില്‍ പതിവായി സ്പര്‍ശിക്കുന്നത് ഒഴിവാക്കുക, രോഗലക്ഷണങ്ങള്‍ പ്രകടിപ്പിക്കുേമ്ബാള്‍ ഉടന്‍ ചികിത്സ തേടുക. അടിയന്തര സഹായത്തിന് 16000 ഹെല്‍പ്ലൈന്‍ നമ്ബറില്‍ ബന്ധപ്പെടാവുന്നതാണ്. ഖത്തറിലെ കോവിഡ് സംബന്ധമായ പുതിയ വിവരങ്ങള്‍ക്ക് പൊതുജനാരോഗ്യ മന്ത്രാലയത്തിെന്‍റ വെബ്സൈറ്റിലും (www.moph.gov.qa) സന്ദര്‍ശിക്കാം.
