Saturday, December 4, 2021
HomeNewsfeedഖത്തറില്‍ ഇന്ന് 141 പേര്‍ക്ക് കോവിഡ്; 11 പേരെ ആശുപത്രിയില്‍ പ്രവേശിപ്പിച്ചു

ഖത്തറില്‍ ഇന്ന് 141 പേര്‍ക്ക് കോവിഡ്; 11 പേരെ ആശുപത്രിയില്‍ പ്രവേശിപ്പിച്ചു

ദോഹ: ഖത്തറില്‍(Qatar) ഇന്ന് 141 പേര്‍ക്ക് കോവിഡ്(covid) സ്ഥിരീകരിച്ചു. 129 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 12 പേര്‍ യാത്രക്കാരാണ്. 24 മണിക്കൂറിനിടെ 125 പേര്‍ കോവിഡില്‍ നിന്ന് രോഗമുക്തി നേടുകയും ചെയ്തു. ഇതോടെ രാജ്യത്ത് കോവിഡ് രോഗമുക്തി നേടിയവരുടെ എണ്ണം 239,712 ആയി.

രാജ്യത്ത് ഇന്ന് കോവിഡ് മരണമില്ല. ആകെ മരണം 611. രാജ്യത്ത് നിലവില്‍ 1,905 പേരാണ് ചികിത്സയില്‍ കഴിയുന്നത്. 12 പേര്‍ ഐ.സി.യുവില്‍ ചികിത്സയിലുണ്ട്. 24 മണിക്കൂറിനിടെ ആരെയും ഐസിയുവില്‍ പ്രവേശിപ്പിച്ചിട്ടില്ല. 11 പേരെക്കൂടി ആശുപത്രിയില്‍ പ്രവേശിപ്പിച്ചു. 84 പേരാണ് നിലവില്‍ ആശുപത്രിയില്‍ കഴിയുന്നത്.

24 മണിക്കൂറിനിടെ 7,137 ഡോസ് വാക്സിന്‍ കൂടി നല്‍കി. വാക്സിനേഷന്‍ ക്യാമ്പയിന്‍ ആരംഭിച്ചതിന് ശേഷം ഇതുവരെ 4,922,055 ഡോസ് വാക്സിനുകളാണ് ഖത്തറില്‍ വിതരണം ചെയ്തതെന്ന് ആരോഗ്യ മന്ത്രാലയം അറിയിച്ചു.

 

Most Popular