Sunday, December 4, 2022
HomeNewsfeedഖത്തറില്‍ ഇന്ന് 149 പേര്‍ക്ക് കോവിഡ്; ഭൂരിഭാഗവും സമ്പര്‍ക്കത്തിലൂടെ

ഖത്തറില്‍ ഇന്ന് 149 പേര്‍ക്ക് കോവിഡ്; ഭൂരിഭാഗവും സമ്പര്‍ക്കത്തിലൂടെ

ദോഹ: ഖത്തറില്‍(Qatar) ഇന്ന് 149 പേര്‍ക്ക് കോവിഡ്(covid) സ്ഥിരീകരിച്ചു. 129 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 20 പേര്‍ യാത്രക്കാരാണ്. 24 മണിക്കൂറിനിടെ 92 പേര്‍ കോവിഡില്‍ നിന്ന് രോഗമുക്തി നേടുകയും ചെയ്തു. ഇതോടെ രാജ്യത്ത് കോവിഡ് രോഗമുക്തി നേടിയവരുടെ എണ്ണം 238,183 ആയി.

രാജ്യത്ത് ഇന്ന് കോവിഡ് മരണമില്ല. ആകെ മരണം 611. രാജ്യത്ത് നിലവില്‍ 1,453 പേരാണ് ചികിത്സയില്‍ കഴിയുന്നത്. 8 പേര്‍ ഐ.സി.യുവില്‍ ചികിത്സയിലുണ്ട്. 24 മണിക്കൂറിനിടെ ആരെയും ഐസിയുവില്‍ പ്രവേശിപ്പിച്ചിട്ടില്ല. രണ്ടു പേരെക്കൂടി ആശുപത്രിയില്‍ പ്രവേശിപ്പിച്ചു. 64 പേരാണ് നിലവില്‍ ആശുപത്രിയില്‍ കഴിയുന്നത്.

കഴിഞ്ഞ 24 മണിക്കൂറിനിടെ 3,426 ഡോസ് വാക്‌സിനുകള്‍ രാജ്യത്ത് വിതരണം ചെയ്തു. രാജ്യത്ത് വാക്‌സിനേഷന്‍ പ്രോഗ്രാം ആരംഭിച്ചതിന് ശേഷം 4,859,929 ഡോസ് വാക്‌സിനുകള്‍ വിതരണം ചെയ്തിട്ടുണ്ട്. 84.5 ശതമാനം പേര്‍ ഇതിനകം പൂര്‍ണമായും വാക്‌സിനെടുത്തു.

Most Popular