Wednesday, December 1, 2021
HomeNewsfeedഖത്തറില്‍ ഇന്ന് രോഗമുക്തിയേക്കാള്‍ കൂടുതല്‍ കോവിഡ് കേസുകള്‍; 62 പേര്‍ക്ക് സമ്പര്‍ക്കത്തിലൂടെ

ഖത്തറില്‍ ഇന്ന് രോഗമുക്തിയേക്കാള്‍ കൂടുതല്‍ കോവിഡ് കേസുകള്‍; 62 പേര്‍ക്ക് സമ്പര്‍ക്കത്തിലൂടെ

ദോഹ: ഖത്തറില്‍ (Qatar) ഇന്ന് 83 പേര്‍ക്ക് കോവിഡ്(Covid19) സ്ഥിരീകരിച്ചതായി പൊതുജനാരോഗ്യ മന്ത്രാലയം അറിയിച്ചു. ഇതില്‍ 21 പേര്‍ വിദേശത്ത് നിന്ന് എത്തിയവരാണ്. 62 പേര്‍ക്ക് സമ്പര്‍ക്കത്തിലൂടെയാണ് രോഗബാധ. 24 മണിക്കൂറിനിടെ 77 പേര്‍ കോവിഡില്‍ നിന്ന് രോഗമുക്തി നേടിയിട്ടുണ്ട്. രാജ്യത്ത് രോഗമുക്തി നേടിയവരുടെ എണ്ണം 2,36,575. ആയി. രാജ്യത്ത് ഇന്ന് കോവിഡ് മരണമില്ല. ആകെ കോവിഡ് മരണം 608.

896 പേരാണ് ഖത്തറില്‍ നിലവില്‍ രോഗബാധിതരായി ചികിത്സയിലുള്ളത്. 11 പേര്‍ ഐസിയുവില്‍ കഴിയുന്നു. കഴിഞ്ഞ 24 മണിക്കൂറിനിടെ നാലുപേരെയാണ് ഐസിയുവില്‍ പ്രവേശിപ്പിച്ചത്. പുതുതായി നാലുപേരെ ആശുപത്രിയില്‍ പ്രവേശിപ്പിച്ചു. 48 പേര്‍ നിലവില്‍ ആശുപത്രിയില്‍ ചികില്‍സയിലുണ്ട്.

കഴിഞ്ഞ 24 മണിക്കൂറിനിടെ 2,971 ഡോസ് വാക്സിനുകള്‍ വിതരണം ചെയ്തു. രാജ്യത്ത് വാകസിനേഷന്‍ കാംപയിന്‍ ആരംഭിച്ചതിനു ശേഷം 47,96,589 ഡോസ് വാക്സിനുകളാണ് ഇതുവരെ വിതരണം ചെയ്തിട്ടുള്ളത്. രാജ്യത്തെ മൊത്തം ജനങ്ങളില്‍ 83.4 ശതമാനം പേര്‍ പൂര്‍ണമായും വാക്‌സിനെടുത്തു.

 

Most Popular