ദോഹ: ഖത്തറിലെ കോവിഡ് ആശുപത്രികളില്‍ അഡ്മിറ്റ് ചെയ്തിട്ടുള്ള രോഗികളുടെ വിവരങ്ങള്‍ അറിയാന്‍ ഹമദ് മെഡിക്കല്‍ കോര്‍പറേഷന്‍ ഫോണ്‍ നമ്പറുകള്‍ പുറത്തുവിട്ടു.
ആശുപത്രികളും നമ്പറുകളും
അല്‍ വക്‌റ ആശുപത്രി: 40115060
ഹസം മെബൈരീക് ജനറല്‍ ആശുപത്രി: 4024 0222
ദി ക്യൂബന്‍ ആശുപത്രി: 4015 7777
സര്‍ജിക്കല്‍ സ്‌പെഷ്യാലിറ്റി സെന്റര്‍: 4439 6762
മിസഈദ് ആശുപത്രി: 3305 6541
റാസ് ലഫാന്‍ ആശുപത്രി: 6613 0897
ഖത്തറില്‍ കൊറോണ വൈറസ് വകഭേദം പടര്‍ന്നതിനെ തുടര്‍ന്ന് ആശുപത്രിയില്‍ പ്രവേശിപ്പിക്കപ്പെടുന്നവരുടെ എണ്ണം വലിയ തോതില്‍ വര്‍ധിച്ചിരുന്നു. പലപ്പോഴും ഗുരുതര ലക്ഷണങ്ങള്‍ പ്രകടിപ്പിക്കുന്നവരെ എച്ച്എംസി ആംബുലന്‍സ് എത്തി സൗകര്യമുള്ള ആശുപത്രിയിലേക്ക് കൊണ്ടുപോവുകയാണ് ചെയ്യുന്നത്. ഈ സമയത്ത് കൂടെ മറ്റാരെയും അനുവദിക്കാത്തതിനാല്‍ ഏത് ആശുപത്രിയിലേക്കാണ് കൊണ്ടു പോയതെന്നും മറ്റും അറിയാന്‍ സാധിച്ചിരുന്നില്ല. ശ്വാസതടസ്സം അനുഭവപ്പെടുന്ന രോഗികള്‍ക്ക് സ്വന്തം മൊബൈല്‍ ഫോണ്‍ ഉണ്ടെങ്കില്‍ പോലും സംസാരിക്കാന്‍ അനുമതി ലഭിക്കാറില്ല.
ഇത്തരം സാഹചര്യങ്ങളില്‍ മുകളില്‍ പറഞ്ഞ നമ്പറുകളിലേക്ക് ബന്ധപ്പെട്ടാല്‍ രോഗികളുടെ വിവരങ്ങള്‍ ലഭ്യമാവും. കോവിഡ് ലക്ഷണങ്ങള്‍ ഉള്ളവര്‍ 16000 എന്ന ഹെല്‍പ്പ് ലൈന്‍ നമ്പറിലാണ് ബന്ധപ്പെടേണ്ടത്.
ALSO WATCH
