Monday, October 25, 2021
HomeNewsfeedറീഎന്‍ട്രി വിസയില്‍ പോയവര്‍ സമയത്ത് മടങ്ങിയില്ലെങ്കില്‍ മൂന്ന് വര്‍ഷത്തെ വിലക്ക്

റീഎന്‍ട്രി വിസയില്‍ പോയവര്‍ സമയത്ത് മടങ്ങിയില്ലെങ്കില്‍ മൂന്ന് വര്‍ഷത്തെ വിലക്ക്

റിയാദ്: സൗദി അറേബ്യയില്‍ നിന്ന് റീഎന്‍ട്രി വിസയില്‍ നാട്ടിലേക്ക് പോയ പ്രവാസികള്‍ കാലാവധി കഴിയുന്നതിന് മുമ്പ് തിരിച്ചെത്തിയില്ലെങ്കില്‍ മൂന്ന് വര്‍ഷത്തേക്ക് വിലക്കേര്‍പ്പെടുത്തുമെന്ന് സൗദി പാസ്‌പോര്‍ട്ട് വിഭാഗം. പുതിയ വിസയില്‍ സൗദിയില്‍ വരുന്നതിനായിരിക്കും വിലക്ക്.

സൗദിയില്‍ നിന്നു ജോലി അവസാനിപ്പിച്ച് നാട്ടിലേക്ക് പോകുന്ന പ്രവാസികള്‍ക്ക് തിരികെ മറ്റൊരു വിസയില്‍ അതേ സ്‌പോണ്‍സുറുടെ അടുക്കലേക്കോ മറ്റൊരു പുതിയ സ്‌പോണ്‍സറുടെ അടുത്തേക്കോ വരാന്‍ സാധിക്കും. എന്നാല്‍ വീണ്ടും സൗദിയിലേക്ക് തിരിച്ചുവരാന്‍ ഉദ്ദേശിച്ചുകൊണ്ടുള്ള റീ-എന്‍ട്രി വിസയില്‍ അവധിക്കോ മറ്റൊ സൗദിയില്‍ നിന്നും പുറത്തുപോയവര്‍ കൃത്യ സമയത്തു തിരികെ എത്തിയില്ലെങ്കിലാണ് മൂന്ന് വര്‍ഷത്തെ ിരോധനമുള്ളത്.

റീ-എന്‍ട്രി വിസ എക്‌സിറ്റ് വിസയാക്കി മാറ്റാന്‍ സാധിക്കില്ലെന്നാണ് പാസ്‌പോര്‍ട്ട് വിഭാഗം അറിയിച്ചിരിക്കുന്നത്. എന്നാല്‍ പഴയ സ്‌പോണ്‍സറുടെ അടുത്തേക്ക് തന്നെ പുതിയ വിസയില്‍ വീണ്ടും വരുന്നവര്‍ക്ക് മൂന്ന് വര്‍ഷത്തെ വിലക്ക് ബാധകമല്ല. ആശ്രിത വിസയില്‍ ഉള്ളവര്‍ക്കും ഇത് ബാധകമല്ല. അവര്‍ക്ക് ഏത് സമയവും പുതിയ വിസയില്‍ സൗദിയിലേക്ക് മടങ്ങാവുന്നതാണ്.

Most Popular