റിയാദ്: സൗദിയിൽ ബസ്സപകടത്തിൽപെട്ട് നാല് മരണം. ആറിലേറെ പേർക്ക് പരിക്ക്. അസീര്‍ പ്രവിശ്യയുടെ വടക്കന്‍ മേഖലയില്‍ ശആര്‍ ചുരം റോഡിലെ തുരങ്കത്തിന് മുന്നിൽവച്ചാണ് അപകടം നടന്നത്. ബസും മറ്റൊരു വാഹനവും കൂട്ടിയിടിച്ചാണ് അപകടം നടന്നതെന്ന് റിപ്പോർട്ടുകൾ പറയുന്നു.
അപകടം സംബന്ധിച്ച വിവരം ലഭിച്ചതനുസരിച്ച് സൗദി റെഡ് ക്രസന്റ് സംഘങ്ങള്‍ സ്ഥലത്തെത്തി രക്ഷാപ്രവര്‍ത്തനം നടത്തി. പരിക്കേറ്റവരെ അസീന്‍ സെന്‍ട്രല്‍ ആശുപത്രിയിലും മഹായില്‍ ജനറല്‍ ആശുപത്രിയിലുമായി പ്രവേശിപ്പിച്ചിരിക്കുകയാണ്.
