Tuesday, May 24, 2022
HomeGulfസൂപ്പർ മാർക്കറ്റുകളിൽ തൊഴിൽ സ്വദേശിവത്കരണം രണ്ടാം ഘട്ടം തുടങ്ങി  

സൂപ്പർ മാർക്കറ്റുകളിൽ തൊഴിൽ സ്വദേശിവത്കരണം രണ്ടാം ഘട്ടം തുടങ്ങി  

റിയാദ്: സൂപ്പർ മാർക്കറ്റുകളിൽ തൊഴിൽ സ്വദേശിവത്കരണം രണ്ടാം ഘട്ടം ആരംഭിച്ചു. മാസങ്ങൾക്ക് ശേഷമാണ് സൗദിയിൽ വീണ്ടും സ്വദേശിവത്കരണം വ്യാപനമാവുന്നത്. 300 ചതുരശ്ര മീറ്റര്‍ വിസ്തൃതിയില്‍ കുറയാത്ത മിനി സൂപ്പര്‍മാര്‍ക്കറ്റുകളും 500 ചതുരശ്ര മീറ്ററില്‍ കുറയാത്ത സെന്‍ട്രല്‍ മാര്‍ക്കറ്റുകളും സ്വദേശി വത്കരണം നടപ്പിലാക്കും. ഇത്തരം സ്ഥാപനങ്ങളില്‍ ഡിപ്പാര്‍ട്ട്മെന്റ് സൂപ്പര്‍വൈസര്‍ തസ്തികയില്‍ ഇതുവരെ 50 ശതമാനം വിദേശികളെ നിയമിക്കാമായിരുന്നു. എന്നാല്‍ ഇനി മുതല്‍ ഈ തസ്തികയില്‍ പൂര്‍ണമായും സൗദികളെ നിയമിക്കണം. ഡിപ്പാര്‍ട്ട്മെന്റ് മാനേജര്‍, ബ്രാഞ്ച് അസിസ്റ്റന്റ് മാനേജര്‍, ബ്രാഞ്ച് മാനേജര്‍ എന്നീ തസ്തികകളില്‍ 50 ശതമാനമാണ് സൗദിവത്കരണം നിര്‍ബന്ധമുള്ളത്. കസ്റ്റമര്‍ അക്കൗണ്ടന്റ്, കാഷ് കൗണ്ടര്‍ സൂപ്പര്‍വൈസര്‍, കസ്റ്റമര്‍ സര്‍വീസ് എന്നീ തസ്തികകള്‍ കഴിഞ്ഞ ഒക്ടോബറിലെ ഒന്നാം ഘട്ടത്തില്‍ തന്നെ സമ്പൂര്‍ണ സൗദിവത്കരണം നടപ്പാക്കിയതാണ്.

Most Popular