ദുബൈ: പുതിയ കറന്‍സി നോട്ടുകള്‍ പുറത്തിറക്കി യുഎഇ. അഞ്ച് ദിര്‍ഹം, പത്ത് ദിര്‍ഹം നോട്ടുകളാണ് യു.എ.ഇ സെന്‍ട്രല്‍ ബാങ്ക് പുറത്തിറക്കിയിരിക്കുന്നത്. രാഷ്ട്രപിതാവ് ശൈഖ് സായിദിന്‍റെ ചിത്രത്തിന് പുറമെ യു.എ.ഇയുടെ പാരമ്ബര്യം വിളിച്ചറിയിക്കുന്ന അജ്മാനിലെയും റാസല്‍ഖൈമയിലെയും കോട്ടകളുടെ ചിത്രങ്ങളും പുതിയ അഞ്ച് ദിര്‍ഹം നോട്ടിലുണ്ട്. പത്ത് ദിര്‍ഹം നോട്ടില്‍ അബൂദബി ശൈഖ് സായിദ് മസ്ജിദിന്‍റെയും ഖോര്‍ഫുക്കാന്‍ ആംഫി തിയറ്ററിന്‍റെയും ചിത്രങ്ങള്‍ ചേര്‍ത്തിട്ടുണ്ട്. പഴയ പേപ്പര്‍ നോട്ടുകള്‍ക്ക് പകരം കൂടുതല്‍കാലം നിലനില്‍ക്കുന്ന പോളിമര്‍ ഉല്‍പന്നം കൊണ്ടാണ് കറൻസികളുടെ നിർമ്മാണം.
