Wednesday, August 4, 2021
Home Gulf ലുലു ഹൈപ്പർ മാർക്കറ്റിന്റെ പേരിലും തട്ടിപ്പ്; ഇരയായത് നിരവധി മലയാളികൾ

ലുലു ഹൈപ്പർ മാർക്കറ്റിന്റെ പേരിലും തട്ടിപ്പ്; ഇരയായത് നിരവധി മലയാളികൾ

ദുബായിൽ ലുലു ഹൈപ്പർമാർക്കറ്റിന്റെ പേരിൽ തട്ടിപ്പിനിരയായത് മലയാളികളടക്കമുള്ള നിരവധി ആളുകളാണ്. വ്യാജ സന്ദേശങ്ങൾക്കെതിരെ ഉപഭോക്താക്കൾക്ക് ലുലു മുന്നറിയിപ്പ് നൽകിയിട്ടുണ്ട്. ലുലു ഹൈപ്പര്‍മാര്‍ക്കറ്റില്‍ നിന്നും സാധനങ്ങള്‍ വാങ്ങുന്ന ഉപഭോക്താക്കള്‍ക്ക് ഗിഫ്റ്റ് വൗച്ചര്‍ നല്‍കുന്ന രീതിയുണ്ട്. ഈ വൗച്ചറിനെ ആധാരമാക്കിയാണ് തട്ടിപ്പ് നടത്തുന്നത്. ഉപഭോക്താക്കളുടെ ഫോണില്‍ വരുന്ന മെസ്സേജ് ഇങ്ങനെയാണ് , ലുലു ഹൈപ്പര്‍ മാര്‍ക്കറ്റിന്റെ പതിനെട്ടാമത് വാര്‍ഷിക ദിനത്തോടനുബന്ധിച്ച് ലുലുവില്‍ നിന്ന് ലഭിയ്ക്കുന്ന 500 ദിര്‍ഹത്തിന്റെ ഗിഫ്റ്റ് വൗച്ചറില്‍ നിങ്ങള്‍ക്ക് ലക്ഷങ്ങളുടെ സമ്മാനം ലഭിച്ചിരിക്കുന്നു. എത്രയും പെട്ടെന്ന് നിങ്ങളുടെ പേഴ്‌സണല്‍ വിവരങ്ങളും , ബാങ്കിംഗ് ഡിറ്റെയില്‍സും അയച്ചു തരണമെന്ന് അറിയിക്കുന്നു എന്നതാണ് ആ സന്ദേശം.

ലുലു ഹൈപ്പര്‍ മാര്‍ക്കറ്റിന്റെ പേരിലുള്ള സന്ദേശം ആയതിനാല്‍ ആരും സംശയിക്കാതെ തങ്ങളുടെ ബാങ്ക് വിവരങ്ങളും പേഴ്‌സണല്‍ വിവരങ്ങളും അയച്ചു കൊടുത്തു. എന്നാല്‍ ബാങ്കില്‍ നിന്നും ലക്ഷങ്ങള്‍ പിന്‍വലിച്ച സന്ദേശങ്ങള്‍ ഫോണിലോത്തിയപ്പോഴാണ് ഉപഭോക്താക്കള്‍ കാര്യമറിയാന്‍ ലുലു ഹൈപ്പര്‍ മാര്‍ക്കറ്റിനെ സമീപിച്ചത്. അപ്പോഴാണ് തട്ടിപ്പിന്റെ വിവരങ്ങള്‍ പുറത്തുവന്നത്‌. ഇതിനുമുൻപ് കൊവിഡിന്റെ പശ്ചാത്തലത്തില്‍ ലുലു ഹൈപ്പര്‍മാര്‍ക്കറ്റ് 500 ഡോളറിന്റെ സൗജന്യ കൂപ്പണ്‍ നൽകുമെന്ന വ്യാജ വാർത്തയും പുറത്തുവന്നിരുന്നു.

തങ്ങളുടെ ഗിഫ്റ്റ് വൗച്ചറിന്റെ പേരില്‍ ഫോണുകളില്‍ സന്ദേശങ്ങളോ, കോളോ വന്നാല്‍ പ്രതികരിക്കരുതെന്നും . അത് ലുലു ഹൈപ്പര്‍ മാര്‍ക്കറ്റിന്റെ അറിവിലുള്ളതല്ല എന്നും . ദയവായി ചതിയില്‍പെടരുതെന്നുമാണ് ലുലു മുന്നറിയിപ്പ് നൽകുന്നത്.

Most Popular