കോവിഡ് ബാധിച്ച് ചികിത്സയിലായിരുന്ന തൃശൂര്‍ സ്വദേശി സലാലയില്‍ മരണപ്പെട്ടു
HIGHLIGHTS
ഇരിങ്ങാലക്കുട വള്ളിവട്ടം സ്വദേശി പുവത്തും കടവില്‍ മുരളീധരനാണ്(67) മരണപ്പെട്ടത്.
സലാല: കോവിഡ് ബാധിച്ച് ചികിത്സയിലായിരുന്ന തൃശൂര്‍ സ്വദേശി സലാലയില്‍ മരണപ്പെട്ടു. ഇരിങ്ങാലക്കുട വള്ളിവട്ടം സ്വദേശി പുവത്തും കടവില്‍ മുരളീധരനാണ്(67) മരണപ്പെട്ടത്. കോവിഡ് ബാധിച്ച് ആദ്യം സ്വകാര്യ ആശുപത്രിയില്‍ പ്രവേശിപ്പിച്ചിരുന്ന ഇദ്ദേഹത്തെ പിന്നീട് സുല്‍ത്താന്‍ ഖാബൂസ് ആശുപത്രിയിലേക്ക് മാറ്റുകയായിരുന്നു. കഴിഞ്ഞ ഒരു മാസത്തോളമായി ഇവിടെ ചികിത്സയിലായിരുന്നു. മൃതദേഹം സംസ്‌കരിക്കുന്നതിനുള്ള നടപടികള്‍ പുരോഗമിക്കുന്നതായി ബന്ധപ്പെട്ടവര്‍ അറിയിച്ചു. കഴിഞ്ഞ 45 വര്‍ഷമായി ഒമാനിലുള്ള ഇദ്ദേഹം സലാല ഇന്റര്‍നാഷനല്‍ സ്‌കൂളിന്റെ ചെയര്‍മാനായിരുന്നു. ഭാര്യയും ഒരു മകനും സലാലയിലുണ്ട്. ഭാര്യ: സത്യ മുരളി, മക്കള്‍ പ്രശാന്ത്, അമിത്.