Tuesday, July 27, 2021
Home Gulf Oman ഒമാനില്‍ ഗ്യാസ് സ്റ്റൗ പൊട്ടിത്തെറിച്ച് കെട്ടിടം തകര്‍ന്നു; തമിഴ്‌നാട് സ്വദേശി മരിച്ചു; മലയാളിക്ക് പരിക്ക്

ഒമാനില്‍ ഗ്യാസ് സ്റ്റൗ പൊട്ടിത്തെറിച്ച് കെട്ടിടം തകര്‍ന്നു; തമിഴ്‌നാട് സ്വദേശി മരിച്ചു; മലയാളിക്ക് പരിക്ക്

മസ്‌കറ്റ്: ഒമാനിലെ മത്രയില്‍ ഗ്യാസ് പൊട്ടിത്തെറിച്ച് കെട്ടിടം തകര്‍ന്നുവീണ് തമിഴ്‌നാട് സ്വദേശി മരിച്ചു. കണ്ണൂര്‍ ജോസ്ഗിരിയില്‍ സ്ഥിര താമസമാക്കിയ തമിഴ്‌നാട് സ്വദേശി ദാസാണ്(57) മരിച്ചത്. പയ്യന്നൂര്‍ കവ്വായി സ്വദേശി സദാനന്ദന്‍ പരിക്കേറ്റ് ആശുപത്രിയില്‍ ചികിത്സയിലാണ്.

ഇന്ന് പുലര്‍ച്ചെ അഞ്ച് മണിക്കാണ് അപകടം. ഒമാന്‍ ഫ്‌ളോര്‍ മില്ലില്‍ കയറ്റിറക്ക് ജോലിക്കാരായിരുന്നു ഇരുവരും. രാവിലെ ജോലിക്ക് പോകാനായി എഴുന്നേറ്റ സദാനന്ദന്‍ ഗ്യാസ് സ്റ്റൗ കത്തിച്ചപ്പോള്‍ ഉഗ്രശബ്ദത്തോടെ പൊട്ടിത്തെറിക്കുകയായിരുന്നു.

പൊട്ടിത്തെറി ഉണ്ടായതോടെ സദാനന്ദന്‍ പുറത്തേക്കോടി. ഈ സമയം ദാസ് ഉറങ്ങി കിടക്കുകയായിരുന്നു. സ്‌ഫോടനത്തെ തുടര്‍ന്ന് പഴയ കെട്ടിടം നിലം പതിക്കുകയായിരുന്നു.

സിവില്‍ ഡിഫന്‍സ് അധികൃതര്‍ എത്തി മൃതദേഹം കെട്ടിടാവശിഷ്ടങ്ങളില്‍ നിന്ന് പുറത്തെടുത്തു. ജോസ്ഗിരി സ്വദേശി മരിയയാണ് ദാസിന്റെ ഭാര്യ. ഒരു മകളുണ്ട്.

Most Popular