Tuesday, September 21, 2021
Home Gulf Qatar ഖത്തറില്‍ ഇന്ന് നാല് കോവിഡ് മരണം; 1754 പേര്‍ക്ക് രോഗബാധ

ഖത്തറില്‍ ഇന്ന് നാല് കോവിഡ് മരണം; 1754 പേര്‍ക്ക് രോഗബാധ

ദോഹ: ഖത്തറില്‍ ഇന്ന് കോവിഡ് ബാധിച്ച് നാലു പേര്‍ കൂടി മരിച്ചു. 1754 പേര്‍ക്ക് കൂടി പുതുതായി കൊറോണ സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. 1467 പേര്‍ക്ക് രോഗം ഭേദമായി. ഖത്തറില്‍ ഇതുവരെ രോഗം സ്ഥിരീകരിച്ചവരുടെ എണ്ണം 65495 ആയി.

90, 70, 62, 80 വയസ്സുള്ളവരാണ് ഇന്ന് മരിച്ചത്. നേരത്തേ ഗുരുതര ആരോഗ്യ പ്രശ്‌നമുള്ളവരായിരുന്നു ഇവര്‍. കൊറോണ ചികില്‍സയില്‍ കഴിയവേയാണ് മരണം. ഇതോടെ രാജ്യത്തെ കോവിഡ് മരണസംഖ്യ 49 ആയി. 24511 പേരാണ് ഇപ്പോള്‍ ചികില്‍സയില്‍ കഴിയുന്നത്. 24 മണിക്കൂറിനിടെ 5276 ടെസ്റ്റുകളാണ് നടത്തിയത്. ഇതോടെ ആകെ ടെസ്റ്റ് നടത്തിയവരുടെ എണ്ണം 246362 ആയി. 18 പേരെ പുതുതായി ഐസിയുവില്‍ പ്രവേശിപ്പിച്ചു. 238 പേരാണ് നിലവില്‍ തീവ്രപരിചരണ വിഭാഗത്തില്‍ കഴിയുന്നത്.

കോവിഡ് ലക്ഷണങ്ങള്‍ ഉള്ളവര്‍ 16,000 എന്ന ഹെല്‍പ്പ്ലൈന്‍ നമ്പറില്‍ ബന്ധപ്പെടുകയോ കോവിഡ് പരിശോധനാ സംവിധാനമുള്ള ആരോഗ്യ കേന്ദ്രങ്ങളെ സമീപിക്കുകയോ ചെയ്യണം. മുഐതര്‍ ഹെല്‍ത്ത് സെന്റര്‍, റൗദത്ത് അല്‍ ഖൈല്‍ ഹെല്‍ത്ത് സെന്റര്‍, ഉം സലാല്‍ ഹെല്‍ത്ത് സെന്റര്‍, അല്‍ ഗറാഫ ഹെല്‍ത്ത് സെന്റര്‍ എന്നിവിടങ്ങളിലാണ് കോവിഡ് പരിശോധനയുള്ളത്.

Four more people die of COVID-19 in Qatar as 1,754 test positive


 

Most Popular