ദോഹ: രണ്ടാമത്തെ ഡോസ് വാക്‌സിന്‍ സ്വീകരിച്ച ഉടനെ ഖത്തറില്‍ നിന്ന് പുറത്തേക്ക് യാത്ര ചെയ്യുന്നതിന് തടസ്സമില്ലെന്ന് ആരോഗ്യ മന്ത്രാലയം സ്ഥിരീകരിച്ചു. ഇത് സംബന്ധമായി സോഷ്യല്‍ മീഡിയയില്‍ നിരവധി പ്രചാരണങ്ങള്‍ നടക്കുന്ന പശ്ചാത്തലത്തിലാണ് വിശദീകരണം. എന്നാല്‍, രണ്ടാം ഡോസ് സ്വീകരിച്ച് 14 ദിവസത്തിന് ശേഷം മാത്രമേ മടങ്ങി വരുമ്പോഴുള്ള ക്വാറന്റീന്‍ ഇളവ് ലഭിക്കുകയുള്ളു. രണ്ടാം ഡോസ് സ്വീകരിച്ച അന്ന് തന്നെ നാട്ടില്‍ പോകുന്നവര്‍ 14 ദിവസത്തിന് ശേഷമാണ് മടങ്ങുന്നതെങ്കില്‍ ഖത്തറിലെത്തിയാല്‍ ക്വാറന്റീനില്‍ കഴിയേണ്ടതില്ലെന്നാണ് അധികൃതര്‍ വ്യക്തമാക്കിയിരിക്കുന്നത്. കോവിഡ് വാക്‌സിന്റെ രണ്ടാമത്തെ ഡോസ് സ്വീകരിച്ച് 14 ദിവസത്തിന് ശേഷമാണ് പൂര്‍ണ തോതിലുള്ള വൈറസ് പ്രതിരോധ ശേഷി കൈവരിക്കുന്നത് എന്നതിനാലാണിത്.
രണ്ടാം ഡോസ് വാക്‌സിന്‍ എടുത്ത ഉടനെ ഖത്തറില്‍ നിന്ന് യാത്ര ചെയ്യാമോ? ആരോഗ്യ മന്ത്രാലയത്തിന്റെ വിശദീകരണം
RELATED ARTICLES
ഖത്തറിലെ ഡ്രൈവ് ത്രൂ വാക്‌സിനേഷന്‍ സെന്റര്‍ സമയത്തില്‍ മാറ്റം
ദോഹ: ജൂണ്‍ 13 ഞായറാഴ്ച്ച മുതല്‍ ഖത്തറിലെ ഡ്രൈവ് ത്രൂ വാക്‌സിനേഷന്‍ സെന്ററുകളുടെ പ്രവര്‍ത്തി സമയത്തില്‍ മാറ്റം. വൈകീട്ട് 4 മുതല്‍ അര്‍ധരാത്രി വരെ ആയിരിക്കും പുതിയ സമയം. ചൂട് കൂടി വരുന്ന...
ഖത്തറില്‍ വാക്‌സിനേഷന്‍ നിശ്ചിത ശതമാനം പൂര്‍ത്തിയായാല്‍ വാക്‌സിനെടുക്കാത്തവര്‍ക്കും ഇളവുകള്‍
ദോഹ: രാജ്യത്ത് നിശ്ചിത ശതമാനം ആളുകള്‍ക്ക് വാക്‌സിനേഷന്‍ പൂര്‍ത്തിയായാല്‍ വാക്‌സിനെടുക്കാത്തവര്‍ക്കും എടുത്തവരുടെ അതേ ആനുകൂല്യങ്ങളും ഇളവുകളും ലഭ്യമാകുമെന്ന് പൊതുജനാരോഗ്യ മന്ത്രാലയത്തിലെ വാക്‌സിനേഷന്‍ വിഭാഗം മേധാവി ഡോ. സുഹ അല്‍ ബയാത്. വാക്‌സിനേഷന്‍ ലക്ഷ്യത്തിലെത്തുന്നതോടെ...
ഖത്തറിലെ പകുതിയിലേറെ പേര്‍ പൂര്‍ണമായും വാക്‌സിനെടുത്തു
ദോഹ: ഖത്തറിലെ പ്രായപൂര്‍ത്തിയായ ജനങ്ങളില്‍ പകുതിയിലേറെ പേര്‍ രണ്ട് ഡോസ് വാക്‌സിനെടുത്തതായി ഖത്തര്‍ ആരോഗ്യ മന്ത്രാലയം. 16 വയസ്സിനും അതിന് മുകളിലുമുള്ള 50.7 ശതമാനം പേര്‍ വാക്‌സിനെടുത്തതായാണ് കണക്കുകള്‍. കോവിഡിനെ നേരിടാനുള്ള പ്രയത്‌നത്തില്‍...
