Saturday, September 25, 2021
Home Gulf ഇന്ത്യയിലേക്കും തിരിച്ചുമുള്ള വിമാന സർവീസുകൾ നിർത്തിവെച്ച് സൗദി

ഇന്ത്യയിലേക്കും തിരിച്ചുമുള്ള വിമാന സർവീസുകൾ നിർത്തിവെച്ച് സൗദി

റിയാദ്: സൗദി അറേബ്യയിലെ വിമാനത്താവളങ്ങളിൽ നിന്ന് ഇന്ത്യയിലേക്കും ഇന്ത്യയിൽ നിന്ന് സൗദിയിലേക്കും ഇനിയൊരറിയിപ്പ് ഉണ്ടാകുന്നത് വരെ വിമാന സർവീസ് ഉണ്ടാകില്ലെന്ന് അധികൃതർ അറിയിച്ചു. ജനറൽ അതോറിറ്റി ഓഫ് സിവിക് ഏവിയേഷനാണ് ഇത് സംബന്ധിച്ച ഉത്തരവ് പുറത്തിറക്കിയത്. ഇന്ത്യയിൽ പ്രതിദിന കോവിഡ് കേസുകളിലുണ്ടാകുന്ന വ#ധന കണക്കിലെടുത്താണ് ഇന്ത്യയുമായുള്ള വ്യോമയാന ബന്ധം താത്കാലികമായി നിർത്തി വെക്കുന്നതെന്ന് സൗദി അറേബ്യ വ്യക്തമാക്കി.

മറ്റ് രാജ്യങ്ങളിൽ നിന്ന് സൗദിയിലേക്ക് വരുന്നവർ രണ്ടാഴ്ചയ്ക്കിടെ ഇന്ത്യ സന്ദർശിക്കാനും പാടില്ല. സൗദി അറേബ്യയുടെ ഉത്തരവ് വന്ദേ ഭാരത് വിമാന സർവീസുകളെയും ബാധിക്കും.

നിരവധി പ്രവാസി മലയാളികൾ വിസാ കാലാവധി കഴിയുന്നതിനു മുമ്പ്് സൗദിയിലേക്ക് മടങ്ങാൻ ഒരുങ്ങവെയാണ് വിലക്ക് വന്നിരിക്കുന്നത്. അത്തരക്കാർക്ക് ഇനിയൊരറിയിപ്പ് ഉണ്ടാകുന്നത് വരെ സൗദിയിലേക്ക് മടങ്ങാൻ കഴിയില്ല.സർക്കാരിന്റെ ഔദ്യോഗിക പ്രതിനിധികൾക്ക് യാത്രാ വിലക്കില്ല. ഇന്ത്യയ്ക്ക് പുറമെ അർജന്റീന,ബ്രസീൽ രാജ്യങ്ങൾക്കും സൗദി അറേബ്യ യാത്രാവിലക്ക് ഏർപ്പെടുത്തിട്ടുണ്ട്.

Most Popular