Monday, April 19, 2021
Home Gulf Saudi Arabia തൂങ്ങിമരിച്ച നിലയില്‍ കണ്ടെത്തിയ പാലക്കാട് സ്വദേശിയുടെ മൃതദേഹം നാട്ടിലെത്തിച്ചു

തൂങ്ങിമരിച്ച നിലയില്‍ കണ്ടെത്തിയ പാലക്കാട് സ്വദേശിയുടെ മൃതദേഹം നാട്ടിലെത്തിച്ചു

റിയാദ്: റിയാദില്‍ ആത്മഹത്യ ചെയ്ത നിലയില്‍ കാണപ്പെട്ട പാലക്കാട് സ്വദേശി വിനുകുമാറിന്റെ (32) മൃതദേഹം കേളി കലാസാംസ്‌കാരിക വേദി ജീവകാരുണ്യ വിഭാഗം പ്രവര്‍ത്തകരുടെ ഇടപെടലില്‍ നാട്ടിലെത്തിച്ചു. ജൂലൈ 23നാണ് റിയാദ് ബഗ്ലഫിലെ താമസ സ്ഥലത്ത് തൂങ്ങി മരിച്ച നിലയില്‍ കാണപ്പെട്ടത്.

വിനുകുമാര്‍ കഴിഞ്ഞ നാലു വര്‍ഷമായി റിയാദില്‍ സൗദി ടെലികോം കമ്പനിയായ എസ് ടി സിയില്‍ കരാറടിസ്ഥാനത്തില്‍ എന്‍ജിനീയറായി ജോലി ചെയ്തു വരികയായിരുന്നു. പാലക്കാട് ജില്ലയിലെ പുതുനഗരം കാട്ടുതെരുവ് സ്വദേശികളായ മണിയന്‍ – കല്ല്യാണി ദമ്പതികളുടെ മകനാണ്. അവിവാഹിതനാണ്

നെന്മാറ എംഎല്‍എ കെ ബാബുവും പുതുനഗരം പ്രവാസി സംഘവും ആവശ്യപ്പെട്ടതനുസരിച്ച് കേളി ജീവകാരുണ്യ വിഭാഗം ഇടപെട്ടാണ് മൃതദേഹം നാട്ടിലെത്തിക്കാനുള്ള നടപടികള്‍ പൂര്‍ത്തിയാക്കിയത്.

Most Popular