Friday, May 14, 2021
Home Gulf Saudi Arabia ചികില്‍സയ്ക്കായി നാട്ടിലേക്ക് മടങ്ങിയ മലപ്പുറം സ്വദേശി ആശുപത്രിയില്‍ മരിച്ചു

ചികില്‍സയ്ക്കായി നാട്ടിലേക്ക് മടങ്ങിയ മലപ്പുറം സ്വദേശി ആശുപത്രിയില്‍ മരിച്ചു

റിയാദ്: അസുഖ ബാധിതനായി സൗദിയില്‍ നിന്നു നാട്ടിലേക്ക് മടങ്ങിയ മലപ്പുറം സ്വദേശി മരിച്ചു. മലപ്പുറം കൊടിഞ്ഞി നന്നമ്പ്ര വെള്ളിയാമ്പുറം കുന്നുംപുറം സ്വദേശി നൊട്ടമ്പാട്ട് ഹൗസില്‍ അബ്ദുല്‍ റഷീദ് (39) ആണ് ചൊവ്വാഴ്ച കോഴിക്കോട് മെഡിക്കല്‍ കോളജ് ആശുപത്രിയില്‍ മരിച്ചത്. റിയാദിലെ സഫാമക്ക പോളിക്ലിനിക്കില്‍ 10 വര്‍ഷമായി ജീവനക്കാരനായിരുന്നു.

അര്‍ബുദബാധയെ തുടര്‍ന്ന് ഒക്‌ടോബര്‍ 10ന് റിയാദ് ശുമൈസി ആശുപത്രിയില്‍ പ്രവേശിപ്പിക്കുകയായിരുന്നു. അവിടെ 20 ദിവസം ചികിത്സയില്‍ കഴിഞ്ഞതിന് ശേഷം ഒക്‌ടോബര്‍ അവസാനം നാട്ടില്‍ കൊണ്ടുപോയി കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഒമ്പത് ദിവസമായി അവിടെ ചികിത്സയില്‍ കഴിയുന്നതിനിടെയാണ് മരണം സംഭവിച്ചത്.

ഹംസയാണ് പിതാവ്. മാതാവ് പരേതയായ സുലൈഖ. ഭാര്യ: ഹാജറ, മക്കള്‍: ഇസ്മാഈല്‍, ഖദീജ, ഇബ്രാഹിം, സാബിത്. സഹോദരങ്ങള്‍: ഫൈസല്‍, ഫൗസിയ, ഹസീന, നസീറ.

Most Popular