Monday, June 21, 2021
Home Newsfeed സൗദിയില്‍ വീണ്ടും കോവിഡ് കേസുകള്‍ 1000ന് മുകളില്‍; ഇന്ന് 13 മരണം

സൗദിയില്‍ വീണ്ടും കോവിഡ് കേസുകള്‍ 1000ന് മുകളില്‍; ഇന്ന് 13 മരണം

റിയാദ്: സൗദി അറേബ്യയില്‍ ഇന്ന് കോവിഡ് സ്ഥിരീകരിച്ചത് 1020 പേര്‍ക്ക്. രോഗബാധിതരില്‍ 908 പേര്‍ സുഖം പ്രാപിച്ചു. രാജ്യത്ത് വിവിധ ഭാഗങ്ങളില്‍ ചികിത്സയില്‍ കഴിയുന്നവരില്‍ 13 പേര്‍ കൂടി മരിച്ചു.

രാജ്യത്ത് ഇതുവരെ വൈറസ് ബാധ റിപ്പോര്‍ട്ട് ചെയ്തത് 4,29,389 പേര്‍ക്കാണ്. ഇതില്‍ 4,13,010 പേര്‍ സുഖം പ്രാപിച്ചു. ആകെ മരണസംഖ്യ 7,111 ആയി. 9,268 പേര്‍ രാജ്യത്തെ വിവിധ ആശുപത്രികളിലും മറ്റുമായി ചികിത്സയില്‍ കഴിയുന്നു. റിയാദിലാണ് ഇന്നും ഏറ്റവും കൂടുതല്‍ രോഗബാധ റിപോര്‍ട്ട് ചെയ്തത്. 342 പേര്‍ക്കാണ് ഇവിടെ മാത്രം രോഗം സ്ഥിരീകരിച്ചത്.

 

Most Popular