Thursday, September 23, 2021
Home Gulf Saudi Arabia സൗദിയില്‍ ഇന്നുമുതല്‍ രാത്രികാല കര്‍ഫ്യു; അവശ്യസര്‍വീസ് ഒഴികെ മുഴുവന്‍ സ്ഥാപനങ്ങളും അടക്കും; ജനങ്ങള്‍ പുറത്തിറങ്ങരുത്

സൗദിയില്‍ ഇന്നുമുതല്‍ രാത്രികാല കര്‍ഫ്യു; അവശ്യസര്‍വീസ് ഒഴികെ മുഴുവന്‍ സ്ഥാപനങ്ങളും അടക്കും; ജനങ്ങള്‍ പുറത്തിറങ്ങരുത്

റിയാദ്: സൗദി അറേബ്യയില്‍ ഇന്നുമുതല്‍ രാത്രികാല കര്‍ഫ്യൂ വൈകീട്ട് ഏഴ് മുതല്‍ രാവിലെ ആറ് വരെയാണ് വിലക്ക് ബാധകമാവുക. മൂന്നാഴ്ച്ചയാണ് കര്‍ഫ്യൂ പ്രഖ്യാപിച്ചിരിക്കുന്നത് ഈ സമയ പരിധിയില്‍ അവശ്യ സര്‍വീസ് ഒഴികെ മുഴുവന്‍ സ്ഥാപനങ്ങളും അടക്കേണ്ടി വരും. ആളുകള്‍ക്കും പുറത്തിറങ്ങുന്നതിന് ഉത്തരവ് വിലക്കേര്‍പ്പെടുത്തുന്നു.

ആരോഗ്യപരമായ ആവശ്യങ്ങള്‍ക്കൊഴികെ ഈ സമയത്ത് വ്യക്തികളുടെ വാഹനങ്ങള്‍ നിരത്തിലിറങ്ങാന്‍ പാടില്ല. എന്നാല്‍ ആരോഗ്യ മേഖല, സുരക്ഷാ വിഭാഗം, സൈന്യം, മാധ്യമങ്ങള്‍ എന്നിവര്‍ക്ക് കര്‍ഫ്യൂവില്‍ ഇളവുണ്ട്. കോവിഡ് 19 പടരാതിരിക്കാന്‍ എല്ലാവരും ജാഗ്രത പാലിക്കണമെന്നും സല്‍മാന്‍ രാജാവിന്റെ ഉത്തരവില്‍ പറയുന്നു. കര്‍ഫ്യൂ പാലിക്കുന്നുണ്ടോ എന്ന് പരിശോധിക്കാന്‍ ആഭ്യന്തര മന്ത്രാലയത്തിന് കീഴിലെ സുരക്ഷാ വിഭാഗം പരിശോധനക്കുണ്ടാകും.

രാജ്യത്ത് കോവിഡ് 19 രോഗികളുടെ എണ്ണം അഞ്ഞൂറ് കവിഞ്ഞതിന് പിന്നാലെയാണ് കര്‍ഫ്യൂ. ഇന്നലെ മാത്രം സൗദിയില്‍ 119 പേര്‍ക്ക് കൂടി കൊറോണ വൈറസ് അസുഖം സ്ഥിരീകരിച്ചിരുന്നു. ഇതോടെ രോഗ ബാധിതരുടെ എണ്ണം 511 ആയി.

sudi arabia curfew

Most Popular