Saturday, April 17, 2021
Home Ediotrs Pick കുട്ടി ജനിച്ചതിന്റെ ആഘോഷത്തില്‍ കരിമരുന്ന് പ്രയോഗം; കാറുകളും വീടിന്റെ വരാന്തയും കത്തിയമര്‍ന്നു

കുട്ടി ജനിച്ചതിന്റെ ആഘോഷത്തില്‍ കരിമരുന്ന് പ്രയോഗം; കാറുകളും വീടിന്റെ വരാന്തയും കത്തിയമര്‍ന്നു

ദുബൈ: കുട്ടി പിറന്നതിന്റെ ആഘോഷത്തില്‍ നടത്തിയ കരിമരുന്ന് പ്രയോഗം അവസാനിച്ചത് വന്‍ദുരന്തത്തില്‍. അറബ് യുവാവിന്റെ ആഘോഷം അതിര് വിട്ടതോടെ അഗ്‌നിക്കിരയാക്കിയത് അയല്‍വാസികളുടെ വീടിന്റെ പൂമുഖവും അയല്‍ക്കാരുടെ 5 കാറുകളും. യുവാവിനെയും സുഹൃത്തുക്കളായ 2 പേരെയും ദുബൈ പോലിസ് അറസ്റ്റ് ചെയ്തു.

ഊദ് അല്‍ മുത്തീനയിലായിരുന്നു സംഭവം. പടക്കങ്ങള്‍ കത്തിച്ചും കരിമരുന്ന് പ്രയോഗം നടത്തിയുമായിരുന്നു യുവാവിന്റെ ആഘോഷം. ഇതിനിടയിലാണ് അയല്‍പക്കത്തെ വീടുകളുടെ പൂമുഖത്തേക്കും അവിടെ നിര്‍ത്തിയിട്ടിരുന്ന കാറുകളിലേക്കും തീപടര്‍ന്നത്. ഉടന്‍ സ്ഥലത്തെത്തിയ സിവില്‍ ഡിഫന്‍സ് സംഭവ സ്ഥലം സുരക്ഷിതമാക്കിയതായി ഖിസൈസ് പൊലീസ് സ്റ്റേഷന്‍ ഡയറക്ടര്‍ ബ്രി.ജനറല്‍ അബ്ദുല്‍ ഹാലിം അല്‍ ഹാഷിമി പറഞ്ഞു.

സംഭവത്തിനു ശേഷം പടക്കങ്ങള്‍ ഒളിപ്പിച്ചുവച്ചതിനാണ് സുഹൃത്തുക്കളായ രണ്ടു പേരെ പോലിസ് അറസ്റ്റ് ചെയ്തത്. പടക്കങ്ങള്‍ ഉപയോഗിക്കുന്നതിനെതിരെ പോലിസ് പൊതുജനങ്ങള്‍ക്ക് മുന്നറിയിപ്പ് നല്‍കി.
ALSO WATCH

Most Popular