X
ദുബയില്‍ പള്ളികള്‍ തുറക്കാനൊരുങ്ങുന്നു; മാര്‍ഗനിര്‍ദേശങ്ങള്‍ പുറത്തിറക്കി

ദുബയില്‍ പള്ളികള്‍ തുറക്കാനൊരുങ്ങുന്നു; മാര്‍ഗനിര്‍ദേശങ്ങള്‍ പുറത്തിറക്കി

personmtp rafeek access_timeSaturday May 30, 2020
HIGHLIGHTS
ദുബയിലെ മസ്ജിദുകള്‍ക്ക് മുന്നില്‍ വിശ്വാസികള്‍ പാലിക്കേണ്ട മാര്‍ഗനിര്‍ദേശങ്ങള്‍ പതിച്ചു തുടങ്ങി.

ദുബയ് സിറ്റി: ദുബയിലെ മസ്ജിദുകള്‍ക്ക് മുന്നില്‍ വിശ്വാസികള്‍ പാലിക്കേണ്ട മാര്‍ഗനിര്‍ദേശങ്ങള്‍ പതിച്ചു തുടങ്ങി. മസ്ജിദ് തുറക്കുന്ന തിയ്യതി ഇനിയും പ്രഖ്യാപിച്ചിട്ടില്ലെങ്കിലും അധികം വൈകില്ലെന്നാണ് സൂചന. കോവിഡ് പ്രതിരോധത്തിന്റെ ഭാഗമായി മാര്‍ച്ച് 16 മുതലാണ് ദുബയിലെ മസ്ജിദുകള്‍ അടച്ചത്. സ്ത്രീകള്‍ക്കുള്ള പ്രാര്‍ഥനാ ഹാള്‍ തുറക്കില്ലെന്നും അറിയിപ്പില്‍ പറയുന്നു.

പ്രാര്‍ത്ഥന നടത്താന്‍ വരുമ്പോള്‍ പാലിക്കേണ്ട ചട്ടങ്ങള്‍
-പ്രായമായവരും (60 വയസ്സിനു മുകളില്‍) കുട്ടികളും (12 വയസ്സിന് താഴെയുള്ളവര്‍) പ്രാര്‍ത്ഥനയ്ക്കായി മസ്ജിദില്‍ വരരുത്.
-ആരാധകര്‍ ഓരോ രണ്ട് വരികള്‍ക്കിടയിലും ഒരു വരി ഒഴിവാക്കിയിടണം.
-വ്യക്തികള്‍ക്കിടയില്‍ 1.5 മീറ്റര്‍ വിടവ് വിടുക.
-പ്രാര്‍ഥനയ്‌ക്കെത്തുന്നവര്‍ കൈയുറകളും മാസ്‌കുകളും ധരിക്കേണ്ടത് നിര്‍ബന്ധമാണ്.
-സ്വന്തം മുസല്ല (പ്രാര്‍ത്ഥന പായ) മസ്ജിദിലേക്ക് കൊണ്ടുവരണം.
-ഹസ്തദാനം അനുവദനീയമല്ല. പകരം ദൂരെ നിന്ന് അഭിവാദ്യം ചെയ്യാം
-വിശ്വാസികള്‍ പ്രാര്‍ത്ഥനയ്ക്ക് മുമ്പോ ശേഷമോ ഒത്തുകൂടരുത്.
-ഇമാമിന് പിന്നില്‍ ഒന്നാം ജമാഅത്ത് പ്രാര്‍ത്ഥന പൂര്‍ത്തിയാക്കിയ ശേഷം രണ്ടാമത്തെ ജമാഅത്തോ ഒറ്റയ്ക്കുള്ള നമസ്‌കാരമോ പാടില്ല.
-പള്ളിയിലെ (ഫര്‍ള് ) നിര്‍ബന്ധിത പ്രാര്‍ത്ഥന കഴിഞ്ഞാലുടന്‍ പുറത്ത് പോവണം.
-കോവിഡ് -19 രോഗികളുമായി സമ്പര്‍ക്കം പുലര്‍ത്തുന്നവര്‍ മറ്റ് ആരാധകരുടെ സുരക്ഷ ഉറപ്പാക്കാന്‍ മസ്ജിദില്‍ പ്രവേശിക്കരുത്.
-വിട്ടുമാറാത്ത രോഗങ്ങളാല്‍ ബുദ്ധിമുട്ടുന്നവരോ പ്രതിരോധശേഷി ദുര്‍ബലമായവരോ സ്വന്തം സുരക്ഷയ്ക്കായി പ്രാര്‍ത്ഥനയ്ക്കായി മസ്ജിദില്‍ വരരുത്.

-ബാങ്ക് സമയം മുതല്‍ നിര്‍ബന്ധിത പ്രാര്‍ത്ഥനയുടെ അവസാനം വരെ 20 മിനിറ്റ് മാത്രമേ മസ്ജിദ് തുറന്നിരിക്കുകയുള്ളൂ
-ബാങ്ക് കഴിഞ്ഞയുടനെ നമസ്‌കാരം നടക്കും
-ഓരോ നമസ്‌കാരവും കഴിഞ്ഞ ഉടന്‍ തന്നെ മജ്‌സിദ് അടയ്ക്കും
-പള്ളിയുടെ പ്രവേശന കവാടത്തില്‍ മുഖംമൂടികളും കയ്യുറകളും ഇടാന്‍ അനുവാദമില്ല
– ഭക്ഷണമോ മറ്റു വസ്തുക്കളോ വിതരണം ചെയ്യാന്‍ പാടില്ല.
– കുളിമുറിയും അംഗശുദ്ധി വരുത്താനുള്ള സ്ഥലവും അടച്ചിടും

Dubai prepares to reopen mosques with coronavirus safety rules


 

SHARE :
folder_openTags
content_copyCategory
UAE