Wednesday, August 4, 2021
Home Newsfeed ദുബൈയിലെ ജെബല്‍ അലി തുറമുഖത്ത് വൻ സ്ഫോടനം

ദുബൈയിലെ ജെബല്‍ അലി തുറമുഖത്ത് വൻ സ്ഫോടനം

യുഎഇ: ദുബൈയിലെ ജെബല്‍ അലി തുറമുഖത്ത് വൻ സ്ഫോടനം. യുഎഇ സമയം രാത്രി പന്ത്രണ്ടോടെയാണ് പൊട്ടിത്തെറിയും വന്‍ തീപിടുത്തമുണ്ടായതെന്ന് അറബ് ന്യൂസ് റിപ്പോര്‍ട്ട് ചെയ്യുന്നു. ജെബല്‍ അലി തുറമുഖത്ത് കപ്പലിലെ കണ്ടെയ്നറിനുള്ളില്‍ ഉണ്ടായ സ്ഫോടനത്തില്‍ വലിയ തീപിടിത്തമുണ്ടായതായും നഗരത്തിലുടനീളം പ്രകമ്ബനം അനുഭവപ്പെട്ടതായും അധികൃതര്‍ അറിയിച്ചു.

മരണങ്ങളോ പരിക്കുകളോ റിപ്പോര്‍ട്ട് ചെയ്യപ്പെട്ടിട്ടില്ല. തീ നിയന്ത്രണ വിധേയമായതായി അധികൃതർ അറിയിച്ചു. തുറമുഖത്ത് അഗ്നിശമന സേനാംഗങ്ങള്‍ തീ അണയ്ക്കുന്ന വീഡിയോ ദുബായ് മീഡിയ ഓഫീസ് പോസ്റ്റ് ചെയ്തു. തുറമുഖത്ത് നിന്ന് 15 കിലോമീറ്റര്‍ അകലെ സ്ഫോടനം കേട്ടതായി അനുഭവപ്പെട്ടതായി ദുബായിലെ നിരവധി സി‌എന്‍‌എന്‍ ഉദ്യോഗസ്ഥര്‍ പറഞ്ഞു. ലോകത്തിലെ ഒമ്ബതാമത്തെ വലിയ തുറമുഖവും ഈ മേഖലയിലെ ഏറ്റവും വലിയ തുറമുഖവുമാണ് ജെബല്‍ അലി.

നഗരത്തിലുടനീളം കെട്ടിടങ്ങള്‍ ഇളകുന്നതായി സാക്ഷികള്‍ റിപ്പോര്‍ട്ട് ചെയ്തു. രാത്രി 11:45 ഓടെ 25 കിലോമീറ്റര്‍ (15 മൈല്‍) അകലെയുള്ള സമീപ പ്രദേശങ്ങളിലെ താമസക്കാര്‍ക്ക് സ്ഫോടനം അനുഭവപ്പെട്ടു. കൂടുതല്‍ വിവരങ്ങള്‍ പുറത്തുവരുന്നതേയുള്ളു.

 

Most Popular