Sunday, September 26, 2021
Home Gulf UAE ദുബയില്‍ മലയാളി കുത്തേറ്റു മരിച്ചു; കാസര്‍കോഡ് സ്വദേശി പിടിയില്‍

ദുബയില്‍ മലയാളി കുത്തേറ്റു മരിച്ചു; കാസര്‍കോഡ് സ്വദേശി പിടിയില്‍

ദുബൈ: ദുബയില്‍ ആലപ്പുഴ സ്വദേശി കുത്തേറ്റ് മരിച്ചു. തൃക്കുന്നപ്പുഴ സ്വദേശി അജിത് അശോകന്‍ (31) ആണ് മരിച്ചത്. ഇതുമായി ബന്ധപ്പെട്ട് കാസര്‍കോട് സ്വദേശി അറസ്റ്റിലായതായി വിവരം. സൂപ്പര്‍മാര്‍ക്കറ്റ് ശൃംഖലയായ ബാക്കര്‍ മൊഹിബിയുടെ സത്വ ശാഖയില്‍ ഹൗസ് ഹോള്‍ഡ് ഇന്‍ചാര്‍ജാണ് അജിത്. നാലുവര്‍ഷം മുന്‍പാണ് ജോലിയില്‍ പ്രവേശിച്ചത്.

താമസ സ്ഥലമായ ബര്‍ദുബയിലാണ് സംഭവം. അനധികൃത മദ്യവ്യാപാരം നടത്തുന്നയാളുമായി മറ്റൊരു സംഘം നടത്തിയ വാക്കു തര്‍ക്കത്തിനിടെ അജിത്തിന് കുത്തേല്‍ക്കുകയായിരുന്നു. വെളിച്ചമില്ലാതിരുന്ന ഫ്‌ളാറ്റിലേക്ക് മെഴുകുതിരി വാങ്ങിപ്പോയ അജിത്തിനെ കുത്തുകയായിരുന്നത്രേ. രക്തം വാര്‍ന്നു കിടന്ന അജിത്തിനെ ഏറെക്കഴിഞ്ഞാണ് മറ്റുള്ളവര്‍ ആശുപത്രിയിലെത്തിച്ചത്. ഭാര്യ: ദൃശ്യ. മകള്‍: ഒരു വയസ്സുള്ള ധ്യാന്‍വി റാം (കനി).

Most Popular