Friday, September 30, 2022
HomeNewsKeralaകോഴിക്കോട് അലിഫ് ബില്‍ഡേഴ്‌സ് അഞ്ചര കോടി തട്ടിയെന്ന് പ്രവാസിയുടെ കേസ്

കോഴിക്കോട് അലിഫ് ബില്‍ഡേഴ്‌സ് അഞ്ചര കോടി തട്ടിയെന്ന് പ്രവാസിയുടെ കേസ്

കോഴിക്കോട്: കോഴിക്കോട് കെഎസ്ആര്‍ടിസി ടെര്‍മിനില്‍ (Kozhikode KSRTC Terminal ) നടത്തിപ്പ് കരാറെടുത്ത അലിഫ് ബില്‍ഡേഴ്‌സിനെതിരെ (Alif Builders) പ്രവാസിയുടെ പരാതി. സൗദി അറേബ്യയില്‍ ക്വാറി ബിസിനസില്‍ പങ്കാളിയാക്കാമെന്ന് പറഞ്ഞ് വന്‍തുക തട്ടിയതായി ആരോപിച്ച് നല്‍കിയ പരാതിയില്‍
കോഴിക്കോട് നടക്കാവ് പോലിസ് കേസെടുത്തു. അഞ്ചര കോടി രൂപ തട്ടിയെടുത്തുവെന്ന് കാട്ടി പ്രവാസിയായ മുഹമ്മദ് യൂനസ് നല്‍കിയ പരാതിയിലാണ് കേസ്.

സൗദി അറേബ്യയില്‍ ക്വാറി ബിസിനസില്‍ പങ്കാളിയാക്കാമെന്ന് പറഞ്ഞ് പണം വാങ്ങിയെന്നും പിന്നീട് ഈ പണം കെഎസ്ആര്‍ടിസി ടെര്‍മിനല്‍ കരാറിനായി ഉപയോഗിച്ചെന്നുമാണ് പരാതി. അലിഫ് ബില്‍ഡേഴ്‌സ് എംഡി മൊയ്തീന്‍ കോയ ഉള്‍പ്പെടെ രണ്ട് പേര്‍ക്കെതിരെയാണ് കേസ്. വ്യാജരേഖ കാട്ടിയാണ് പണം വാങ്ങിയതെന്നും പരാതിക്കാരന്‍ ആരോപിക്കുന്നു.

കോഴിക്കോട്ടെ കെഎസ്ആര്‍ടിസി വാണിജ്യ സമുച്ഛയം അലിഫ് ബില്‍ഡേഴ്‌സിന് നടത്തിപ്പിന് നല്‍കിയതില്‍ ഒത്തുകളി നടന്നെന്ന ആരോപണം നിലവിലുണ്ട്. ചതുരശ്ര അടിക്ക് കേവലം 13 രൂപ മാത്രം വാടക ഈടാക്കിയാണ് അലിഫ് ബില്‍ഡേഴ്‌സിന് വാണിജ്യ സമുച്ഛയം കൈമാറിയത്. ചതുരശ്ര അടിക്ക് 1800 രൂപ വരെ വാടകയുളള സ്ഥലത്താണ് ഈ അന്തരം. കെട്ടിടത്തിന്റെ നടത്തിപ്പുകാരെ സഹായിക്കാന്‍ കെട്ടിടത്തില്‍ വരുത്തിയ രൂപമാറ്റത്തിന്റെ തെളിവുകളും പുറത്ത് വന്നിരുന്നു.
ALSO WATCH

 

Most Popular