Sunday, September 19, 2021
Home Entertainment മഞ്ജു വാര്യരുടെ ആയിഷ അറബിയിലും; ചിത്രീകരണം ഗള്‍ഫില്‍

മഞ്ജു വാര്യരുടെ ആയിഷ അറബിയിലും; ചിത്രീകരണം ഗള്‍ഫില്‍

നടി മഞ്ജു വാര്യര്‍ നായികയാവുന്ന ചിത്രം ആയിഷ പുതിയ ചരിത്രം കുറക്കാനൊരുങ്ങുന്നു. മലയാളത്തിനൊപ്പം അറബിയിലും ഇറങ്ങുന്ന ആയിഷയുടെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. നവാഗതനായ ആമിര്‍ പള്ളിക്കല്‍ സംവിധാനം ചെയ്യുന്ന ചിത്രം ആദ്യ കമേഴ്‌സ്യല്‍ മലയാള-അറബിക് ചിത്രമാണ്. ദുല്‍ഖര്‍ സല്‍മാനാണ് ചിത്രത്തിന്റെ പോസ്റ്റര്‍ റിലീസ് ചെയ്തത്.

സംവിധായകന്‍ സക്കറിയയാണ് ചിത്രത്തിന്റെ നിര്‍മ്മാണം. ആഷിഫ് കക്കോടിയാണ് രചന. കുടുംബ പശ്ചാത്തലത്തില്‍ ഒരുങ്ങുന്ന ചിത്രം പൂര്‍ണമായും ഗള്‍ഫിലാണ് ചിത്രീകരിക്കുന്നത്. മലയാളത്തിനും അറബിക്കും പുറമെ ഇംഗ്ലിഷിലും ഏതാനും ഇതര ഇന്ത്യന്‍ ഭാഷകളിലും ചിത്രം റിലീസ് ചെയ്യും.

എം ജയചന്ദ്രനാണ് സംഗീതം. 2022 ജനുവരിയില്‍ സിനിമയുടെ ചിത്രീകരണം ആരംഭിക്കുമെന്നാണ് റിപ്പോര്‍ട്ടുകള്‍. ക്രോസ് ബോര്‍ഡര്‍ ക്യാമറ, ഇമാജിന്‍ സിനിമാസ്, ഫെദര്‍ ടെച്ച് മൂവി ബോക്‌സ് എന്നീ ബാനറുകളില്‍ നിര്‍മിക്കുന്ന ഈ ചിത്രത്തിന്റെ ഛായാഗ്രഹണം വിഷ്ണു ശര്‍മ നിര്‍വഹിക്കുന്നു.

 

Most Popular