തിരുവനന്തപുരം:സംസ്ഥാനത്ത് പെട്രോള്‍ വില നൂറ് കടന്നു. പല ജില്ലകളിലും പ്രീമിയം പെട്രോളിന്റെ വിലയാണ് നൂറ് രൂപ കടന്നത്. തിരുവനന്തപുരം നഗരത്തില്‍ ലിറ്ററിന് 100.20 രൂപ, പാറശാല-101.14 രൂപ, വയനാട് ബത്തേരിയില്‍ 100.24 രൂപ എന്നിങ്ങനെയാണ് വില.
സാധാരണ പെട്രോളിനും ഡീസലിനും 28 പൈസ വീതമാണ് കൂടിയത്. തിരുവനന്തപുരത്ത് പെട്രോളിന് ഒരു ലിറ്ററിന് 97.29 രൂപയും ഡീസലിന് 92.63 രൂപയുമാണ് ഇന്നത്തെ വില. കൊച്ചിയില്‍ പെട്രോളിന് ഒരു ലിറ്ററിന് 95.41 രൂപയും ഡീസലിന് 90.86 രൂപയുമാണ്.
തുടര്‍ച്ചയായ രണ്ടാം ദിവസമാണ് വില വര്‍ധിപ്പിക്കുന്നത്. ജൂണ്‍ മാസത്തില്‍ ഇത് മൂന്നാമത്തെ വര്‍ധനയാണ്. 37 ദിവസത്തിനുള്ളില്‍ 21 തവണയാണ് ഇന്ധന വില കൂട്ടിയത്.
