Wednesday, June 23, 2021
Home News Kerala പി.എസ്.സി റാങ്ക് ലിസ്റ്റ് ഉദ്യോഗാർഥികളുടെ പ്രതിഷേധം; രണ്ട് ഉദ്യോഗാർഥികൾ ആത്മഹത്യക്ക് ശ്രമിച്ചു

പി.എസ്.സി റാങ്ക് ലിസ്റ്റ് ഉദ്യോഗാർഥികളുടെ പ്രതിഷേധം; രണ്ട് ഉദ്യോഗാർഥികൾ ആത്മഹത്യക്ക് ശ്രമിച്ചു

തിരുവനന്തപുരം: പി.എസ്.സി ലാസ്റ്റ് ഗ്രേഡ് റാങ്ക് ലിസ്റ്റ് കാലാവധി നീട്ടണമെന്ന ആവശ്യമുന്നയിച്ച് തിരുവനന്തപുരത്ത് സെക്രട്ടറിയേറ്റിനു മുന്നില്‍ ഉദ്യോഗാര്‍ഥികളുടെ പ്രതിഷേധം. അതിനിടെയില്‍ രണ്ട് ഉദ്യോഗാര്‍ഥികള്‍ മണ്ണെണ്ണ ഒഴിച്ച് ആത്മഹത്യക്കും ശ്രമിച്ചു. കഷ്ടപ്പെട്ട് പഠിച്ച് റാങ്ക് ലിസ്റ്റില്‍ ഇടം നേടിയിട്ടും ജോലി ലഭിക്കുന്നില്ലെന്നാരോപിച്ചായിരുന്നു ആത്മഹത്യാശ്രമം. പോലീസ് ഇടപെട്ട് മണ്ണെണ്ണ ക്യാന്‍ പിടിച്ചുമാറ്റുകയായിരുന്നു.

കേരളത്തില്‍ എവിടെയെങ്കിലും ഉദ്യോഗാര്‍ഥികള്‍ക്ക് എന്തെങ്കിലും സംഭവിച്ചാല്‍ അതിന് ഉത്തരവാദി കേരള സര്‍ക്കാര്‍ ആയിരിക്കുമെന്നും ആത്മഹത്യാ ശ്രമം നടത്തിയ ഉദ്യോഗാര്‍ഥി പറഞ്ഞു. ഇത് സര്‍ക്കാരിനുള്ള സൂചനയാണെന്നും, ഇതില്‍ നിന്ന് പാഠം ഉള്‍കൊള്ളാന്‍ സര്‍ക്കാര്‍ തയ്യാറായില്ലെങ്കില്‍ സമര രീതിയുടെ ഗതി മാറും എന്നും ഉദ്യോഗാര്‍ഥികള്‍ പറഞ്ഞു.

അനധികൃത നിയമനങ്ങള്‍ നടക്കുന്നുവെന്ന പരാതി വ്യാപകമായി ഉയരുന്ന സാഹചര്യത്തില്‍ റാങ്ക് ലിസ്റ്റ് കാലാവധി എല്ലാവര്‍ക്കും ബാധകമാകുന്ന രീതിയില്‍ നീട്ടിയില്ലെന്നും, ലിസ്റ്റില്‍ ഇടം നേടിയിട്ടും ജോലി ലഭിക്കുന്നില്ലെന്നുമുള്ള ഗുരുതര ആരോപണങ്ങളുമായി ഉദ്യോഗാര്‍ഥികള്‍ പ്രധിഷേധത്തിലേക്ക് എത്തിയിരിക്കുന്നത്. സംഭവസ്ഥലത്ത് എത്തിയ പോലീസും, ഫയര്‍ ഫോഴ്‌സും പ്രതിഷേധിക്കുന്ന ഉദ്യോഗാര്‍ഥികളെ ഇവിടെ നിന്ന് മാറ്റാനുള്ള ശ്രമത്തിലാണ്.

Most Popular