ലോകത്തെ ഏറ്റവും വാഹന ഗതാഗതകുരുക്കുള്ള രണ്ടാമത്തെ നഗരം ബെംഗളൂരു. നെതര്‍ലന്‍ഡ്‌സ് ആസ്ഥാനമായുള്ള ലൊക്കേഷന്‍ ടെക്നോളജി കമ്പനിയായ ‘ടോം ടോം’ ആണ് സർവേ നടത്തിയത്. നഗരങ്ങളിലെ പ്രധാന ഭാഗങ്ങളിലെ ഗതാഗത കുരുക്ക് പരിഗണിച്ചായിരുന്നു തിരഞ്ഞെടുപ്പ്. 2022-ല്‍ ബെംഗളൂരുവില്‍ പത്തുകിലോമീറ്റര്‍ സഞ്ചരിക്കാന്‍ ശരാശരി 29 മിനിറ്റും പത്തുസെക്കന്‍ഡുമാണ് വേണ്ടതെന്ന് സര്‍വേയില്‍ പറയുന്നു. പത്തുകിലോമീറ്റര്‍ സഞ്ചരിക്കാന്‍ 36 മിനിറ്റും 20 സെക്കന്‍ഡും ആവശ്യമുള്ള ലണ്ടനാണ് ഗതാഗത കുരുക്കിൽ ഒന്നാമത്.
ഇന്ത്യയിലെ മറ്റുനഗരങ്ങളില്‍ പുണെ ആറാംസ്ഥാനത്തും ഡല്‍ഹി 34-ാം സ്ഥാനത്തും മുംബൈ 47-ാം സ്ഥാനത്തുമാണ്. വെള്ളിയാഴ്ചയാണ് ഏറ്റവുമധികം ഗതാഗതക്കുരുക്കുണ്ടാകുന്നത്. വെള്ളിയാഴ്ചകളില്‍ വൈകീട്ട് ആറിനും ഏഴിനുമിടയില്‍ പത്തുകിലോമീറ്റര്‍ സഞ്ചരിക്കാന്‍ ശരാശരി 37 മിനിറ്റും 20 സെക്കന്‍ഡും വേണമെന്ന് റിപ്പോര്‍ട്ടില്‍ പറയുന്നു.
