Saturday, July 31, 2021
Home News National ചുണ്ടുകള്‍ തുന്നിക്കെട്ടി, കയ്യും കാലും കൂട്ടിക്കെട്ടിയനിലയിൽ 65കാരനെ റെയിൽവേ ട്രാക്കിൽ കണ്ടെത്തി

ചുണ്ടുകള്‍ തുന്നിക്കെട്ടി, കയ്യും കാലും കൂട്ടിക്കെട്ടിയനിലയിൽ 65കാരനെ റെയിൽവേ ട്രാക്കിൽ കണ്ടെത്തി

റാഞ്ചി: ചുണ്ടുകള്‍ തുന്നിക്കെട്ടിയ ശേഷം കയ്യും കാലും കൂട്ടിക്കെട്ടിയ നിലയിൽ 65കാരനെ റെയില്‍വെ ട്രാക്കിൽ കണ്ടെത്തി. പാലമു ജില്ലയിലെ ഉന്താരി റോഡ് ബ്ലോകിലെ ഭീതിഹാര ഗ്രാമത്തിലാണ് സംഭവം. ഭോലാ റാം എന്നയാളെയാണ് സിഗ്‌സിജി ക്യാബിന് സമീപമുള്ള ട്രാകില്‍ ഉപേക്ഷിച്ച നിലയില്‍ കണ്ടെത്തിയത്. അതേസമയം, ഭോലാ റാമിന്റെ ണ്ടാം ഭാര്യയുടെ മകന്‍ ആണ് ഈ ക്രൂരത ചെയ്തതെന്നാണ് റിപ്പോര്‍ട്ട്. ഝാര്‍ഖണ്ഡ് പൊലീസ് ആണ് ഭോലാ റാമിനെ മരണത്തിനു മുന്നില്‍ നിന്നും രക്ഷപ്പെടുത്തിയത്. ചൊവ്വാഴ്ച രാത്രി ശൌചാലയത്തില്‍ പോവുകയായിരുന്ന ഭോലാ റാമിനെ രണ്ടാം ഭാര്യയുടെ മകനും മറ്റ് രണ്ട് പേരും ചേര്‍ന്ന് മര്‍ദിക്കുകയുമായിരുന്നു. തുടര്‍ന്ന് മൂന്ന് പേര്‍ തന്റെ ചുണ്ടുകള്‍ തുന്നിക്കെട്ടിയെന്നും തുടര്‍ന്ന് കയ്യും കാലും കയറു കൊണ്ട് ബന്ധിച്ച ശേഷം രാത്രി റെയില്‍വേ ട്രാകില്‍ ഉപേക്ഷിക്കുകയായിരുന്നുവെന്നും ഭോലാ റാം പൊലീസിനോട് പറഞ്ഞു.സംഭവം ശ്രദ്ധയില്‍ പെട്ട ഗ്രാമീണരാണ് പിന്നീട് പൊലീസിനെ വിവരമറിയിച്ചത്. സംഭവത്തില്‍ പ്രതികള്‍ക്കെതിരെ ശക്തമായ നടപടി സ്വീകരിക്കുമെന്ന് പോലീസ് പറഞ്ഞു.

 

Most Popular