Friday, June 18, 2021
Home News National പോപുലര്‍ ഫ്രണ്ട് മുന്‍ ചെയര്‍മാന്‍ കെ എം ശരീഫ് അന്തരിച്ചു

പോപുലര്‍ ഫ്രണ്ട് മുന്‍ ചെയര്‍മാന്‍ കെ എം ശരീഫ് അന്തരിച്ചു

ന്യൂഡല്‍ഹി: പോപുലര്‍ ഫ്രണ്ട് ഓഫ് ഇന്ത്യ മുന്‍ ചെയര്‍മാനും ദേശീയ സമിതി അംഗവുമായ കെ എം ശരീഫ് അന്തരിച്ചു. 56 വയസ്സായിരുന്നു. മംഗളൂരൂവിലെ ആശുപത്രിയിലായിരുന്നു അന്ത്യം. കരള്‍ രോഗത്തെ തുടര്‍ന്ന് ഏതാനും ദിവസങ്ങളായി മംഗളൂരുവിലെ സ്വകാര്യ ആശുപത്രിയില്‍ ചികില്‍സയിലായിരുന്നു. കഴിഞ്ഞ ദിവസം അസുഖം മൂര്‍ഛിച്ചതിനെ തുടര്‍ന്ന് വെന്റിലേറ്ററിലേക്ക് മാറ്റിയിരുന്നു. മികച്ച വാഗ്മിയും നേതൃപാടവുമുള്ള കെ എം ശരീഫ് കര്‍ണാടകയില്‍ പോപുലര്‍ ഫ്രണ്ട് ഓഫ് ഇന്ത്യയെ ജനകീയമാക്കുന്നതില്‍ നിര്‍ണായക പങ്കുവഹിച്ചിട്ടുണ്ട്.

ഇന്ന് വൈകീട്ട് 5.30 മുതല്‍ ബിസി റോഡ് മിതബയല്‍ മസ്ജിദില്‍ മൃതദേഹം പൊതുദര്‍ശനത്തിന് വയ്ക്കും. ഖബറടക്കം രാത്രി ഇശാ നമസ്‌കാരത്തിന് ശേഷം നടക്കുമെന്ന് പോപുലര്‍ ഫ്രണ്ട് ജനറല്‍ സെക്രട്ടറി അനീസ് അഹ്മദ് അറിയിച്ചു.

Former PFI National chairman KM Shareef passes away

Most Popular