Wednesday, January 26, 2022
HomeNewsNationalവിദേശത്ത് നിന്ന് വരുന്നവര്‍ക്കുള്ള മാര്‍ഗരേഖ പുതുക്കി കേന്ദ്രം; കോവിഡ് പരിശോധന നിര്‍ബന്ധം

വിദേശത്ത് നിന്ന് വരുന്നവര്‍ക്കുള്ള മാര്‍ഗരേഖ പുതുക്കി കേന്ദ്രം; കോവിഡ് പരിശോധന നിര്‍ബന്ധം

ന്യൂഡല്‍ഹി: വിദേശത്തു നിന്ന് ഇന്ത്യയിലേക്കു വരുന്ന യാത്രക്കാര്‍ക്കുള്ള മാര്‍ഗരേഖ കേന്ദ്രസര്‍ക്കാര്‍ പുതുക്കി. നിയന്ത്രണങ്ങള്‍ കൂടുതല്‍ കടുപ്പിച്ച് കൊണ്ടുള്ളതാണ് പുതിയ നിബന്ധനകള്‍.

ഇതുപ്രകാരം വിദേശത്ത് നിന്ന് ഇന്ത്യയിലെത്തുന്നവര്‍ക്ക് ആര്‍ടിപിസിആര്‍ പരിശോധന നിര്‍ബന്ധമാക്കി. രണ്ട് ഡോസ് വാക്സിന്‍ സ്വീകരിച്ചവര്‍ക്കും പരിശോധന വേണം. യാത്രക്ക് 72 മണിക്കൂറിനുള്ളില്‍ എടുത്ത സര്‍ട്ടിഫിക്കറ്റാണ് ഹാജരാക്കേണ്ടത്.

ഈ മാസം 25 മുതല്‍ പുതിയ മാര്‍ഗ രേഖ നിലവില്‍ വരും. വിദേശത്തുനിന്ന് ഇന്ത്യയില്‍ എത്തുന്ന എല്ലാവര്‍ക്കും വാക്സിനേഷന്‍ സര്‍ട്ടിഫിക്കറ്റിനു പുറമെ ആര്‍പിടിസിആര്‍ സര്‍ട്ടിഫിക്കറ്റും വേണം. നേരത്തെ ആര്‍ടിപിസിആര്‍ സര്‍ട്ടിഫിക്ക് നിര്‍ബന്ധമുണ്ടായിരുന്നില്ല.

യാത്ര തുടങ്ങുന്നതിനു മുമ്പ് പോര്‍ട്ടലായ സുവിധയില്‍ ഇക്കാര്യങ്ങള്‍ വ്യക്തമാക്കികൊണ്ട് സ്വയം സാക്ഷ്യപ്പെടുത്തിയ രേഖയും സമര്‍പ്പിക്കണം. വിദേശ രാജ്യങ്ങളെ ഇന്ത്യ എ, ബി എന്നിങ്ങനെ രണ്ട് കാറ്റഗറിയിലായാണ് തിരിച്ചിരിക്കുന്നത്. ബി കാറ്റഗറിയില്‍ പെട്ട ആഫ്രിക്ക പോലുള്ള രാജ്യങ്ങളില്‍ നിന്ന് വരുന്നവര്‍ക്ക് ഏഴ് ദിവസത്തെ സ്വയം നിരീക്ഷണ ക്വാറന്റീന്‍ വേണമെന്നും നിര്‍ദേശമുണ്ട്. അതിനു ശേഷം ആര്‍ടിപിസിആര്‍ ടെസ്റ്റ് ചെയ്ത് നെഗറ്റീവ് ആകണമെന്നും പുതിയ മാര്‍ഗരേഖയില്‍ പറയുന്നു.

Most Popular