ലിഫ്റ്റ് വാഗ്ദാനം ചെയ്ത് കാറിൽ കയറ്റിയ യുവതിയെ ഡ്രൈവർ ബലാത്സംഗം ചെയ്തു

girl-child-abuse-rape-victim

ഗുരുഗ്രാം: ഹരിയാനയിലെ ഗുരുഗ്രാമിൽ ലിഫ്​റ്റ്​ വാഗ്​ദാനം ചെയ്​ത്​ കാറിൽ കയറ്റിയ യുവതിയെ ഡ്രൈവർ ബലാത്സംഗം ചെയ്തതായി പരാതി. ബുധനാഴ്ച രാ​ത്രിയാണ്​ സംഭവം നടക്കുന്നത്. ഡൽഹി സ്വദേശിനിയാണ് യുവതി.

ബുധനാഴ്ച ജോലി കഴിഞ്ഞശേഷം രാത്രി 8.16ഓടെ ​എം.ജി മെട്രോ സ്​റ്റേഷന്​ സമീപം വാഹനത്തിനായി​ കാത്തുനിൽക്കുകയായിരുന്നു യുവതിയുടെ സമീപം കാറിലെത്തിയ പ്രതി ലിഫ്​റ്റ്​ നൽകാമെന്ന്​ പറയുകയും ശേഷം കാറിൽ കയറ്റുകയുമായിരുന്നു.

ഡൽഹിയിൽനിന്ന്​ മറ്റു യാത്രക്കാർ കയറാനുള്ളതിനാൽ ​യുവതിയോ​ട്​ മുൻസീറ്റിൽ ഇരിക്കാനും പ്രതി ആവശ്യപ്പെട്ടു. തുടർന്ന്​​, ആളൊഴിഞ്ഞ പ്രദേശത്ത്​ എത്തിച്ച ശേഷം യുവതിയെ ബലാത്സംഗം ചെയ്യുകയായിരുന്നു. പിന്നീട്​ ഡൽഹി -ആയ നഗർ അതിർത്തിയി​ൽ യുവതിയെ ഉപേക്ഷിച്ച ശേഷം പ്രതി ഓടി രക്ഷപെടുകയായിരുന്നു. സംഭവത്തിൽ പോലീസ് അന്വേഷണം ആരംഭിച്ചു.