കൊച്ചി: നയതന്ത്ര ചാനലിലൂടെയുള്ള സ്വര്‍ണക്കടത്തുമായി ബന്ധപ്പെട്ട എന്‍.ഐ.എ കേസില്‍ ജാമ്യം ലഭിച്ച സ്വപ്ന സുരേഷ് ജയില്‍ മോചിതയായി. തിരുവനന്തപുരത്തെ അട്ടക്കുളങ്ങര വനിതാ ജയിലില്‍ നിന്ന് ഉച്ചക്ക് 11.30ഒാടെയാണ് സ്വപ്ന പുറത്തിറങ്ങിയത്. സ്വപ്ന അമ്മയ്ക്കൊപ്പം ബാലരാമപുരത്തെ വീട്ടിലേക്ക് തിരിച്ചു. സ്വപ്നയുടെ അമ്മ ജാമ്യരേഖകളുമായി അട്ടക്കുളങ്ങര ജയിലിലെത്തി രേഖകള്‍ കൈമാറിയിരുന്നു. ജാമ്യം ലഭിച്ച് നാല് ദിവസം കഴിഞ്ഞെങ്കിലും ജാമ്യ നടപടികള്‍ പൂര്‍ത്തിയാകാത്തതായിരുന്നു മോചനം ൈവകിയത്. ഇന്നലെ വൈകിട്ടോടെ കോടതി നടപടികളെല്ലാം പൂര്‍ത്തിയായി. ജയിൽ മോചിതയായ സ്വപ്ന മാധ്യമങ്ങളുടെ ചോദ്യങ്ങൾക്ക് മറുപടി പിന്നെ പറയാമെന്നായിരുന്നു പ്രതികരണം.
