Thursday, May 19, 2022
HomeNewsKeralaകാസറഗോഡ് നാല് കുട്ടികളിൽ ഷിഗെല്ല സാന്നിധ്യം: ദേവനന്ദയുടെ മരണം: ഷിഗെല്ല കാരണമെന്ന് പോസ്റ്റ്‌മോര്‍ട്ടം പ്രാഥമിക...

കാസറഗോഡ് നാല് കുട്ടികളിൽ ഷിഗെല്ല സാന്നിധ്യം: ദേവനന്ദയുടെ മരണം: ഷിഗെല്ല കാരണമെന്ന് പോസ്റ്റ്‌മോര്‍ട്ടം പ്രാഥമിക റിപ്പോര്‍ട്ട്

കാസര്‍കോട്: കാസറഗോഡ് ഷവർമ കഴിച്ചതിനെത്തുടർന്ന് ദേവനന്ദ മരിച്ചതിന് കാരണം ഷിഗെല്ല ബാധയാണെന്ന് പ്രാഥമീക പോസ്റ്റ്മോർട്ടം റിപ്പോർട്ട്. ചെറുവത്തൂരില്‍ ഷവര്‍മ കഴിച്ചതിനെ തുടര്‍ന്നുണ്ടായ ഭക്ഷ്യ വിഷബാധയ്ക്കു കാരണം ഷിഗെല്ല ബാക്ടീരിയ ആണെന്നു കാസര്‍കോട് ജില്ലാ മെഡിക്കല്‍ ഓഫിസര്‍ (ആരോഗ്യം) ഡോ. എ.വി.രാംദാസ് അറിയിച്ചു. കൂടാതെ ഭക്ഷ്യവിഷബാധയെത്തുടർന്ന് ചികിത്സയിലുള്ള നാല് കുട്ടികൾക്കും ഷിഗെല്ല റിപ്പോർട്ട് ചെയ്തിട്ടുണ്ട്. കോഴിക്കോട് മെഡിക്കല്‍ കോളേജ് ആശുപത്രിയില്‍ നടത്തിയ പരിശോധനയിലാണ് വൈറസ് സ്ഥിരീകരിച്ചത്. ആരുടേയും നില ഗുരുതരമല്ല.

കോഴിക്കോട് ജില്ലയില്‍ കഴിഞ്ഞ മാസം ഷിഗെല്ല  റിപ്പോര്‍ട്ട് ചെയ്തിരുന്നു. കോഴിക്കോട് നഗരത്തിലെ പുതിയാപ്പയിലാണ് രോഗം സ്ഥിരീകരിച്ചത്. എന്നാല്‍ രോഗവ്യാപനമുണ്ടായിട്ടില്ലെന്നും ഒരാളില്‍ മാത്രമാണ് രോഗം സ്ഥിരീകരിച്ചിട്ടുള്ളതെന്നും ആരോഗ്യവകുപ്പ് ഉദ്യോഗസ്ഥര്‍ അറിയിച്ചു. ഇന്നലെയാണ് പുതിയാപ്പ സ്വദേശിയില്‍ രോഗം സ്ഥിരീകരിച്ചത്.

കോഴിക്കോട് കോട്ടാംപറമ്പില്‍ 2020 ഡിസംബറില്‍ 11 വയസുകാരന്‍ ഷിഗെല്ല രോഗം ബാധിച്ച് മരിച്ചിരുന്നു. മരണാനന്തരം രോഗം സ്ഥിരീകരിച്ചതിനെ തുടര്‍ന്ന് നടത്തിയ പരിശോധനയില്‍ ഈ കുട്ടിയുടെ സംസ്‌കാര ചടങ്ങില്‍ പങ്കെടുത്ത ആറ് പേര്‍ക്ക് കൂടി പിന്നീട് രോഗം സ്ഥിരീകരിച്ചിരുന്നു.

മലിന ജലത്തിലൂടെ ബാക്ടീരിയ ശരീരത്തിനുള്ളിലേക്ക് കടക്കുന്നതുമാണ് ഷിഗെല്ലയ്ക്ക് കാരണം. കഠിനമായ പനി കൂടി വരുന്നത് കൊണ്ട് രോഗം മൂര്‍ച്ഛിക്കുകയും ചെയ്യുന്നു. വയറിളക്കത്തിന് പുറമെ വയറുവേദനയും ചര്‍ദിയുമുണ്ടാവുകയും ചെയ്യുന്നതാണ് ഇതിന്റെ പ്രധാന ലക്ഷണം.

Most Popular